मुंबई : मुंबई, नवी मुंबई आणि ठाणे परिसरात गॅस सिलिंडरची चोरी करणाऱ्या टोळीचा पवई पोलिसांनी पर्दाफाश केला आहे. या कारवाईत पोलिसांनी चोरीचे ४५ गॅस सिलिंडर जप्त केले असून अनेक गुन्ह्यांत सहभागी असलेल्या एका सराईत गुन्हेगाराला अटक केली आहे.

पवई पोलीस ठाण्यात दुचाकी चोरीचा गुन्हा दाखल झाल्यानंतर हा प्रकार समोर आला. तपासादरम्यान पोलिसांना आढळले की, चोरलेली सुझुकी बर्गमन दुचाकी ही विविध ठिकाणांहून गॅस सिलिंडर चोरण्यासाठी वापरली जात होती. तांत्रिक पाळत आणि खबऱ्यांकडून मिळालेल्या माहितीच्या आधारे पोलिसांनी ठाणे येथील रहिवासी राज चंद्रकांत कांबळे (वय १८) याला अटक केली असून गुन्ह्यात वापरलेली दुचाकीही ताब्यात केली आहे.