मुंबई : सालाबाद प्रमाणे १६ डिसेबरला गिरगांव चौपाटीवर प्रभू येशू जन्मत्सोव साजरा करण्यास उच्च न्यायालयाने सशर्त परवानगी दिली. या उत्सवासाठी सुमारे १५ हजार चौरस मीटर जागा उपलब्ध करून द्या, असे आदेश न्यायमूर्ती ए एस गडकरी आणि न्यायमूर्ती श्याम सी चांडक यांच्या खंडपीठाने दिले.
गेली सुमारे 45 वर्षापासून प्रभू येशू जन्मत्सोव कमिटीच्यावतीने दरवर्षी गिरगाव चौपाटीवर प्रभू येशू जन्मत्सोव साजरा करण्यात येतो. या उत्सवात हजारो ख्रिश्चन बांधव ऐकत्र येतात. उच्च न्यायालयाने जून २०१८ मध्ये या चौपटीच्या वापरासाठी मॉनेटरींग कमिटी स्थापन केली. या कमिटीने या वर्षाचा उत्सव साजरा करण्यासाठी केवळ चार हजार चौरस मिटरची जागा मंजूर केली. ती वाढवून मिळावी म्हणून जन्मत्सोव कमिटीने उच्च न्यायालयात याचिका दाखल केली होती.
यावेळी याचिका कर्त्यांच्यावतीने अॅड. मिहिर देसाई, अॅड.जतीन शेठ आणि अॅड.अंकुर शहा यांनी बाजू मांडली. तसेच यापूर्वीही न्यायालयाने जागा उपलब्ध करून देण्याचा आदेश दिला आहे. यावर्षीचा कार्यक्रम रविवार 10 डिसेबर रोजी होणार असल्याने अंतरिम आदेश द्यावा अशी
विनंती केली. ही विनंती न्यायालयाने मान्य केली.