Mumbai : ...तर महापौरांविरोधात वॉरंट जारी करू! न्यायालयाचा इशारा 
मुंबई

Mumbai : ...तर महापौरांविरोधात वॉरंट जारी करू! न्यायालयाचा इशारा

ऊर्दू माध्यमाच्या शाळेतील शिक्षकांना कथित मारहाण केल्याप्रकरणी २०१६ मध्ये नोंदवलेल्या खटल्यात सतत अनुपस्थित राहिल्याबद्दल सत्र न्यायालयाने महापौर रितू तावडे यांना फटकारले आहे.

Swapnil S

मुंबई : ऊर्दू माध्यमाच्या शाळेतील शिक्षकांना कथित मारहाण केल्याप्रकरणी २०१६ मध्ये नोंदवलेल्या खटल्यात सतत अनुपस्थित राहिल्याबद्दल सत्र न्यायालयाने महापौर रितू तावडे यांना फटकारले आहे. न्यायालयाने त्यांच्यावर १ हजार रुपयांचा दंड ठोठावला असून पुढील सुनावणीला हजर न राहिल्यास त्यांचा जामीन रद्द करून वॉरंट जारी करण्याचा इशारा दिला आहे.

बुधवारी या खटल्याच्या सुनावणीदरम्यान तावडे यांचे वकील दुर्गा राजपूत यांनी रितू तावडे यांच्या वैयक्तिक उपस्थितीपासून कायमस्वरूपी सूट देण्याची विनंती करणारा अर्ज दाखल केला. तावडे या मुंबईच्या प्रथम नागरिक असून पालिकेच्या विविध कार्यक्रमांमुळे त्यांचा दिवस अतिशय व्यस्त असतो, असा युक्तिवाद त्यांनी केला. मात्र, हा खटला ७ वर्षे जुना आहे या मुद्द्यावर सरकारी वचक इक्बाल सोळकर यांनी या अर्जाला विरोध केला. यापूर्वीच्या सुनावणीतही तावडे यांच्या अनुपस्थितीमुळे न्यायालयाने त्यांच्यावर ३०० रुपयांचा दंड ठोठावला होता आणि त्यांना बुधवारी न्यायालयात हजर राहण्याचे निर्देश दिले होते, परंतु त्या पुन्हा हजर राहिल्या नाहीत, असेही निदर्शनाला आणून देण्यात आले. तथापि, न्यायालयाने तावडे यांचा एका दिवसासाठी वैयक्तिक उपस्थितीपासून सूट देण्याचा अर्ज मान्य केला.

न्यायालयाची ताकीद

न्यायालयाने म्हटले की, २०१७ मध्ये आरोपपत्र (चार्जशीट) दाखल झाले आणि २०१९ मध्ये हे प्रकरण या न्यायालयात वर्ग झाले. आरोपीची सततची अनुपस्थिती खटला लांबवण्याची त्यांची प्रवृत्ती दर्शवते. अद्याप आरोप निश्चित झालेला नाही. मात्र, वकील राजपूत कायमस्वरूपी सूट मिळण्याची विनंती करत आहेत. आरोपीच्या सामाजिक स्थितीचा विचार करून अजामीनपात्र वॉरंट जारी केले जात नाही आणि खटल्याची सुनावणी जलद गतीने चालवण्यासाठी सहकार्य केले जाईल, ही अपेक्षा आहे.'

(इंग्रजी बातमी वाचण्यासाठी येथे क्लिक करा.)

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न