मुंबई : चेंबूर येथे अनुराग जयस्वाल नावाच्या एका टिसच्या विद्यार्थ्याच्या संशयास्पद मृत्यूने एकच खळबळ उडाली आहे. या विद्यार्थ्याच्या मृत्यूचे कारण स्पष्ट झालेले नाही. अनुरागने शनिवारी एका पार्टीत मद्यप्राशन केले होते. त्यातून त्याचा मृत्यू झाला आहे का? याचा पोलीस तपास करत आहेत. त्याचा मृतदेह शवविच्छेदनासाठी पाठविण्यात आला असून त्याच्या रिपोर्टनंतर मृत्यूच्या अधिकृत कारणाचा खुलासा होणार आहे.

याप्रकरणी चेंबूर पोलिसांनी अपमृत्यूची नोंद करून तपास सुरू केला आहे. उत्तरप्रदेशचा रहिवाशी असलेला अनुराग हा चेंबूर येथील एका भाड्याच्या फ्लॅटमध्ये त्याच्या तीन मित्रांसोबत राहत होता. तो सध्या टाटा इन्स्टिट्यूट ऑफ सोशल सायन्स इन एचआरच्या पहिल्या वर्षात शिकत होता.