मुंबई

Mumbai : धावत्या ट्रेनमध्ये प्रवाशांच्या मदतीने महिलेची प्रसूती; मध्य रेल्वे कर्मचाऱ्यांच्या तत्परतेमुळे बाळ-माता सुरक्षित

लोकमान्य टिळक टर्मिनस ते दिब्रुगड एक्स्प्रेसमध्ये एका गरोदर महिलेची सुरक्षितरीत्या प्रसूती करण्यात आली. रेल्वे कर्मचारी आणि सहप्रवाशांच्या मदतीमुळे या महिलेने एका सुंदर मुलाला जन्म दिला.

Swapnil S

मुंबई : लोकमान्य टिळक टर्मिनस ते दिब्रुगड एक्स्प्रेसमध्ये एका गरोदर महिलेची सुरक्षितरीत्या प्रसूती करण्यात आली. रेल्वे कर्मचारी आणि सहप्रवाशांच्या मदतीमुळे या महिलेने एका सुंदर मुलाला जन्म दिला. शनिवारी भुसावळ आणि इटारसीदरम्यान ही घटना घडली. ट्रेनमधील रेल्वे कर्मचाऱ्यांची तत्परता आणि संवेदनशीलता यामुळे धावत्या ट्रेनमध्येच बाळ आणि माता दोघांचेही प्राण वाचले असून त्यांची प्रकृती स्थिर आहे.

ट्रेनमधील प्रवासी रवी चौधरी यांनी भुसावळ येथील मुख्य तिकीट निरीक्षक एस. पी. फिरके आणि तिकीट परीक्षक अंबरीश कुमार तिवारी यांच्याशी संपर्क साधला. त्यांची पत्नी ज्योती हिला अचानक प्रसूती कळा सुरू झाल्याची माहिती त्यांनी दिली.

परिस्थितीचे गांभीर्य ओळखून रेल्वे कर्मचाऱ्यांनी पावले उचलत ‘बी-६’ कोचच्या गॅलरीमध्ये बेडशीट आणि ब्लँकेटच्या मदतीने सुरक्षित आणि स्वच्छ जागा तयार केली. ट्रेन हरदा स्थानकावर पोहोचण्यापूर्वीच सहप्रवाशांच्या मदतीने महिलेने एका निरोगी मुलाला जन्म दिला.

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न