जशपूर : छत्तीसगडच्या जशपूर जिल्ह्यातील नारायणपूर परिसरातील आरा डोंगराजवळ एका खासगी विमान कोसळले असून त्यानंतर परिसरात गोंधळ आणि भीतीचे वातावरण निर्माण झाले आहे. या विमान अपघातानंतरचा एक व्हिडिओही समोर आला आहे. यात विमान कोसळल्यानंतर मोठ्या प्रमाणात धूर पहायला मिळत आहे. त्यामुळे या अपघातात वैमानिक आणि सहवैमानिकासह अनेकांचा मृत्यू झाल्याची भीती व्यक्त करण्यात येत आहे. या विमानात किती लोक होते हे अद्याप समजू शकलेले नाही. विमान ३० फूट उंचीवर उडत असताना क्रॅश झाले.

समोर आलेल्या माहितीनुसार हे खासगी विमान एका डोंगराला धडकले आणि त्यानंतर या विमानाला भीषण आग लागली. या अपघातानंतर मोठ्या ज्वाळा आणि धूर आकाशात पसरताना दिसला, ज्यामुळे आसपासच्या भागात भीतीचे वातावरण पसरले. ज्या ठिकाणी हे विमान कोसळले हो भाग दुर्गम आणि डोंगराळ आहे. या ठिकाणी पोहोचणे कठीण आहे. त्यामुळे मदत आणि बचावकार्यामध्ये अडचणी येत आहेत, मात्र तरीही प्रशासनाची पथके परिस्थिती नियंत्रणात आणण्याचा प्रयत्न करत आहेत.

या विमानातून किती प्रवासी प्रवास करत होते, याबाबत अद्याप माहिती समजू शकलेली नाही. प्रशासन सध्या हे विमान कुठे जात होते, याबाबतची माहिती गोळा करत आहे. परिस्थिती स्पष्ट झाल्यानंतरच अचूक आकडेवारी आणि संपूर्ण माहिती जाहीर केली जाईल अशी माहिती जारी केली जाईल अशी माहिती अधिकाऱ्यांनी दिली आहे.