सुकमा : छत्तीसगडच्या सुकमा जिल्ह्यात बुधवारी २६ नक्षलवाद्यांनी आत्मसमर्पण केले. आत्मसमर्पण केलेल्या माओवाद्यांपैकी १३ जणांवर एकूण ६५ लाख रुपयांचे बक्षीस जाहीर करण्यात आले होते. या कार्यकर्त्यांमध्ये "पूना मार्गेम" उपक्रमांतर्गत आत्मसमर्पण करणाऱ्या सात महिलांचा समावेश आहे, असे पोलिसांनी सांगितले.
दक्षिण बस्तर विभाग, माड विभाग आणि आंध्र-ओडिशा सीमा विभागातील माओवादी पीपल्स लिबरेशन गुरिल्ला आर्मी बटालियनमध्ये हे नक्षलवादी सक्रिय होते आणि अबुझमद, छत्तीसगडमधील सुकमा आणि ओडिशाच्या सीमावर्ती भागात अनेक घटनांमध्ये सहभागी होते. हे माओवादी राज्य सरकारच्या आत्मसमर्पण आणि पुनर्वसन धोरणामुळे प्रभावित झाले होते ज्याअंतर्गत त्यांनी आत्मसमर्पण केले.
लालीवर १० लाखांचे बक्षीस
लाली उर्फमुचकी आयते लखमू (३५) हा कंपनीच्या पार्टी कमिटीचा सदस्य असून त्याच्यावर १० लाखांचे बक्षीस होते. मुचाकी हिंसाचाराच्या अनेक मोठ्या घटनांमध्ये सामील होता, यामध्ये २०१७ मध्ये कोरापुट रोडवर एका वाहनाला आयईडी स्फोटासह लक्ष्य केले यामध्ये १४ सुरक्षा कर्मचारी मारले गेले. हेमला लखमा (४१), अस्मिता उर्फ कमलू सनी (२०), रामबाटी उर्फ पदम जोगी (२१), आणि सुंदरम पाले (२०) या चार प्रमुख नक्षलवाद्यांवर प्रत्येकी ८ लाख रुपयांचे बक्षीस आहे.
धोरणानुसार पुनर्वसन
२०२० च्या मिंपा हल्ल्यात लखमाचा सहभाग होता, यामध्ये १७ सुरक्षा कर्मचारी ठार झाले होते. आत्मसमर्पण केलेल्या इतर तीन कार्यकर्त्यांवर प्रत्येकी पाच लाख रुपये, एकावर तीन लाख रुपये. तर अन्य एकावर दोन लाख रुपये आणि तिघांवर प्रत्येकी एक लाख रुपये इनाम होते. सर्व आत्मसमर्पण केलेल्या नक्षलवाद्यांना ५०,००० रुपयांची मदत देण्यात आली आहे आणि सरकारी धोरणानुसार त्यांचे पुढील पुनर्वसन केले जाणार आहे.