Video : अवघ्या ५ मिनिटांच्या उशिराची 'अशी' शिक्षा? डिलिव्हरी बॉयचा मोबाईल हिसकावून फ्लॅटमध्ये नेलं अन्... 
राष्ट्रीय

Video : अवघ्या ५ मिनिटांच्या उशिराची 'अशी' शिक्षा? डिलिव्हरी बॉयचा मोबाईल हिसकावून फ्लॅटमध्ये नेलं अन्...

ऑर्डर पोहोचवायला अवघे पाच मिनिटं उशीर झाल्याने एका डिलिव्हरी बॉयला बेदम मारहाण केल्याचा धक्कादायक प्रकार समोर आला आहे.

Mayuri Gawade

ऑर्डर पोहोचवायला अवघे पाच मिनिटं उशीर झाल्याने एका डिलिव्हरी बॉयला बेदम मारहाण केल्याचा धक्कादायक प्रकार समोर आला आहे. उत्तर प्रदेशातील मेरठमध्ये घडलेल्या या घटनेचा सीसीटीव्ही व्हिडीओ सोशल मीडियावर व्हायरल होत असून, या प्रकारावर संताप व्यक्त केला जात आहे.

नेमकं काय घडलं?

सोशल मीडियावर व्हायरल झालेल्या सीसीटीव्ही फुटेजमध्ये लाल रंगाचा टी-शर्ट घातलेला एक डिलिव्हरी बॉय अपार्टमेंटमध्ये डिलिव्हरी देण्यासाठी आल्याचं दिसत आहे. त्याचवेळी एका फ्लॅटमधून एक व्यक्ती बाहेर येते आणि त्याच्याशी वाद घालण्यास सुरुवात करते.

काही क्षणांतच हा वाद वाढतो आणि संबंधित व्यक्ती डिलिव्हरी बॉयला मारहाण करताना दिसते. त्याच्या हातातील मोबाईलही हिसकावून घेतला जातो. मोबाईल परत मागत असतानाच त्याला कानशिलात लगावल्याचं आणि लाथाबुक्क्यांनी मारहाण केल्याचं सीसीटीव्हीमध्ये दिसत आहे.

डिलिव्हरी बॉयला जबरदस्तीने फ्लॅटमध्ये नेलं

व्हिडीओमध्ये एक महिला फ्लॅटमधून बाहेर येताना आणि संपूर्ण प्रकार सुरू असताना तिथे उभी असल्याचं दिसतं. त्यानंतर डिलिव्हरी बॉयला जबरदस्तीने फ्लॅटच्या आत नेलं जातं. फ्लॅटमध्ये नेल्यानंतरही त्याला मारहाण करण्यात आल्याचा दावा केला जात आहे. काही वेळाने तो तरुण फ्लॅटमधून बाहेर येताना सीसीटीव्ही फुटेजमध्ये दिसतो.

फक्त ५ मिनिटांच्या उशिरामुळे मारहाण?

मिळालेल्या माहितीनुसार, डिलिव्हरी बॉयचं नाव अमित असून, डिलिव्हरी पोहोचवण्यास अवघे पाच मिनिटं उशीर झाल्याच्या कारणावरून हा प्रकार घडल्याचं सांगितलं जात आहे. ही घटना १४ ऑगस्ट रोजी रात्री साडेनऊच्या सुमारास मेरठमधील भावनपूर पोलीस ठाण्याच्या हद्दीतील गंगा हाईट्स अपार्टमेंटमध्ये घडल्याची माहिती आहे.

व्हिडीओ व्हायरल झाल्यानंतर पोलिसांची दखल

घटनेचा सीसीटीव्ही व्हिडीओ सोशल मीडियावर व्हायरल झाल्यानंतर पोलिसांनी प्रकरणाची दखल घेतली आहे. व्हायरल व्हिडीओच्या आधारे घटनेचं ठिकाण, वेळ आणि त्यातील व्यक्तींची ओळख याबाबत तपास सुरू आहे. तसेच घटनेत सहभागी असलेल्या व्यक्तींविरोधात आवश्यक ती कायदेशीर कारवाई करण्याची प्रक्रिया सुरू असल्याची माहिती समोर आली आहे.

(संबंधित इंग्रजी बातमी वाचण्यासाठी येथे क्लिक करा.)

Thane : मुंब्रा रेल्वे स्थानकाजवळील दुकानातील मिठाईतून विषबाधा? पाच जणांची प्रकृती बिघडली, एकाचा मृत्यू, FDA कडून तपास सुरू

Diljit Dosanjh Indore Concert : दिलजीतच्या कॉन्सर्टमध्ये चोरट्यांचा धुमाकूळ; गर्दीचा फायदा घेत मोबाईल लंपास, दोघांना अटक

भंडाऱ्यात लालपरीचा अजब कारभार; रात्रीच्या अंधारात दोन विद्यार्थिनींना अर्ध्या रस्त्यात उतरवलं, पालकांचा संताप, चालक-वाहक निलंबित

Raigad Fire : उरणमध्ये केमिकलच्या गोदामाला भीषण आग! मोठ्या स्फोटाने परिसर हादरला; धुराचे लोट हवेत, VIDEO

छठपूजेचा प्रसाद खाल्ल्याने आईचा संताप अनावर; चार वर्षांच्या चिमुरडीला बेदम मारहाण, उपचारादरम्यान मृत्यू