राष्ट्रीय

अफगाणिस्तानात भीषण भूकंपात एक हजार जण ठार

सध्या तालिबानची राजवट असल्याने आंतरराष्ट्रीय मदत संस्था अफगाणिस्तानातून निघून गेल्या आहेत

वृत्तसंस्था

अफगाणिस्तानात बुधवारी झालेल्या भीषण भूकंपात एक हजार जण ठार झाले असून दीड हजार लोक जखमी झाले आहेत, अशी माहिती अफगाणिस्तानच्या वृत्तसंस्थेने दिली आहे.

अफगाणिस्तानात सध्या तालिबानची राजवट असल्याने आंतरराष्ट्रीय मदत संस्था अफगाणिस्तानातून निघून गेल्या आहेत. त्यामुळे मदत व बचावाचे मोठे संकट तेथे उभे राहिले आहे.

अफगाणिस्तानच्या ग्रामीण व डोंगराळ भागात हा भूकंप झाला आहे. मृतांचा आकडा आणखी वाढण्याची शक्यता आहे. हा भूकंप ६.१ रिश्टर स्केलचा असून यामुळे अनेक इमारती, घरे पडली आहेत.

या भूकंपामुळे तालिबान सरकारसमोर मोठे आव्हान उभे राहिले आहे. कारण गेल्यावर्षी अमेरिकेने आपले सैन्य मागे घेतले. त्यामुळे तालिबानलाच मदत व बचावाची जबाबदारी पेलावी लागणार आहे.

पाकिस्तानच्या हवामान खात्याने सांगितले की, अफगाणच्या पाक्तिका प्रांतात या भूकंपाचा केंद्रबिंदू होता. या भूकंपाचे धक्के पाकिस्तानची राजधानी इस्लामाबादपर्यंत जाणवले.

लोक ब्लँकेटमध्ये गुंडाळून नागरिकांना नेत असून खुर्चीवर बसून अनेकजण सलाईन लावताना दिसत आहेत.

दरम्यान, अफगाण रेड क्रेसेंट सोसायटीने ४ हजार ब्लँकेट, ८०० तंबू व ८०० किचन किटस‌् आपदग्रस्त भागात पाठवले आहेत.

पंतप्रधान मोहम्मद हसन अखुंड यांनी तातडीची बैठक बोलावली असून ट‌्विटरवरून तालिबानने मदतीची मागणी केली आहे.

Thane : मुंब्रा रेल्वे स्थानकाजवळील दुकानातील मिठाईतून विषबाधा? पाच जणांची प्रकृती बिघडली, एकाचा मृत्यू, FDA कडून तपास सुरू

RBI च्या कडक नियमामुळे आता डिजिटल फसवणूकीला आळा; सर्वसमावेशक नियमावली अखेर जाहीर

भंडाऱ्यात लालपरीचा अजब कारभार; रात्रीच्या अंधारात दोन विद्यार्थिनींना अर्ध्या रस्त्यात उतरवलं, पालकांचा संताप, चालक-वाहक निलंबित

Raigad Fire : उरणमध्ये केमिकलच्या गोदामाला भीषण आग! मोठ्या स्फोटाने परिसर हादरला; धुराचे लोट हवेत, VIDEO

ठाण्यात छठपूजेच्या उत्सवाला गालबोट; २० वर्षीय तरुणाचा तलावात बुडून दुर्दैवी मृत्यू