भारतीय कुस्ती महासंघाचे माजी अध्यक्ष आणि भाजप खासदार ब्रिजभूषण शरण सिंह आणि विनोद तोमर यांच्या नियमीत जामिनावर २० जुलै रोजी सुनावणी होणार आहे. ब्रिजभुषण यांनी पुढील सुनावणीच्या तारखेपर्यंत अंतरिम जामीन मंजूर करण्यात आला आहे. ब्रिजभूषण यांच्या वकिलाने त्यांची बाजू मांडताना सांगितलं की, आरोपपक्ष दाखल होईपर्यंत ब्रिजभूषण शरण सिंह यांना अटक करण्यात आली नाही, याचा अर्थ असा आहे की त्यांच्याविरुद्ध असे कोणतेही पुरावे किंवा दावे आढळून आले नाहीत.

दिल्लीच्या राऊस अव्हेन्यू न्यायालयाने कुस्तीपटूंच्या लैंगिक छळाच्या आरोपात ब्रिजभूषण यांना अंतरिम जामीन मंजूर केली आहे. ते स्वत: न्यायालयात हजर झाले त्यावेळी त्यांच्या घराबाहेर तसंच न्यायालयाबाहेर कडक बंदोबस्त ठेवण्यात आला होता. आता २० जुलै रोजी त्यांच्या नियमीत जामीनावर कोर्टात सुनावणी होणार आहे. त्याचा निर्णय येईपर्यंत ते अंतरिम जामीनावर राहणार आहेत.