अर्थमंत्री निर्मला सीतारामन शनिवारी चेन्नईच्या मैलापूर मार्केटमध्ये भाजी खरेदी करण्यासाठी पोहोचल्या. येथे त्यांनी भाजी खरेदी केली आणि लोकांशी संवादही साधला. निर्मला सीतारामन यांच्या कार्यालयाच्या अधिकृत हँडलवरून त्याचा व्हिडिओ आणि फोटो सोशल मीडियावर शेअर करण्यात आला आहे. अर्थमंत्री निर्मला सीतारामन भाजी घेण्यासाठी आले असता तेथे उपस्थित लोकांनी त्यांचे फोटो काढण्यास सुरूवात केली.

अर्थमंत्री निर्मला सीतारामन यांनी स्वतः भाजीपाला निवडला आणि उपस्थित सर्वसामान्यांशी संवाद साधला. केंद्रीय मंत्र्याला पाहताच तिथे लोकांची गर्दी झाली होती. केंद्रीय मंत्र्यासोबत असलेले भाजप आमदार वनथी श्रीनिवासन म्हणाले की, हातात बंदुका घेऊन सुरक्षा कर्मचार्‍यांना पाहून विक्रेते घाबरले होते. त्यानंतर आम्ही अर्थमंत्री यांचे सुरक्षारक्षक आहोत. असे सांगितल्यावर विक्रेत्यांनी त्यांना कॉफी प्यायला दिली.