चेन्नई : भारतीय जनता पक्षाच्या विरोधात घोषणा देणे हा गुन्हा ठरत नसल्याचा निकाल मद्रास उच्च न्यायालयाने नुकताच दिला आहे.

लोईस सोफिया नावाच्या संशोधक विद्यार्थिनीने २०१८ साली थुथूकुडी विमानतळावर विमानात बसून फॅसिस्ट भाजप सरकारचा निषेध असो, अशा आशयाच्या घोषणा दिल्या होत्या. त्यावेळी त्या विमानात भाजपचे तत्कालीन तामिळनाडू राज्य प्रमुख तमिलीसाई सुंदरराजन हे हजर होते. ते आता तेलंगणचे राज्यपाल आणि पुड्डुचेरीचे लेफ्टनंट गव्हर्नर आहेत. अशा घोषणा देणे हा गुन्हा ठरू शकत नाही, असे म्हणत न्यायालयाने सोफिया यांच्यावरील एफआयआर रद्द केला आहे.