जीएसटी २ लाख कोटी; सप्टेंबरमध्ये अप्रत्यक्ष कर संकलन १५ टक्क्यांनी वाढले 
राष्ट्रीय

जीएसटी २ लाख कोटी; सप्टेंबरमध्ये अप्रत्यक्ष कर संकलन १५ टक्क्यांनी वाढले

देशांतर्गत उपभोग आणि आयातीमधून मिळालेल्या मजबूत महसुलामुळे सप्टेंबर महिन्यात एकूण जीएसटी संकलन १४.७ टक्क्यांनी वाढून २.०३ लाख कोटी रुपयांपेक्षा अधिक झाले आहे.

Swapnil S

नवी दिल्ली : देशांतर्गत उपभोग आणि आयातीमधून मिळालेल्या मजबूत महसुलामुळे सप्टेंबर महिन्यात एकूण जीएसटी संकलन १४.७ टक्क्यांनी वाढून २.०३ लाख कोटी रुपयांपेक्षा अधिक झाले आहे.

शासकीय आकडेवारीनुसार, देशांतर्गत व्यवहारांमधून मिळणारा जीएसटी १०.१ टक्क्यांनी वाढून १.३८ लाख कोटी रुपयांवर पोहोचला आहे, तर आयातीवरील महसूल २६ टक्क्यांनी झपाट्याने वाढून ६५,५२५ कोटी रुपयांवर पोहोचला आहे. तर वस्तू आणि सेवा कर परतावा सप्टेंबरमध्ये ३ टक्क्यांच्या वार्षिक घसरणीसह २७,००१ कोटी रुपयांवर मंदावला आहे.

या आर्थिक वर्षाच्या पहिल्या सहामाहीत (एप्रिल-सप्टेंबर), एकूण जीएसटी संकलन ११.६ टक्क्यांनी वाढून १२.४६ लाख कोटी रुपयांहून अधिक झाले आहे. तसेच निव्वळ संकलन १०.४ टक्क्यांनी वाढून १०.६६ लाख कोटी रुपयांवर पोहोचले आहे.

जीएसटी संकलन सप्टेंबरमध्ये १४.७% वाढीसह २.०३ लाख कोटी रुपयांपेक्षा जास्त झाले आहे, तर देशंतर्गत महसूल १०.१% वाढीसह १.३८ लाख कोटी रुपये झाले आहे. आयात महसूल २६% वाढीसह ६५,५२५ कोटी रुपये झाला आहे. निव्वळ जीएसटी संकलन परताव्याचे समायोजन केल्यानंतर १८.१% वाढीसह १.७६ लाख कोटींहून अधिक राहिले आहे. चालू आर्थिक वर्षात जीएसटी संकलन २ लाख कोटी रुपयांच्या टप्प्या पार करण्याची ही तिसरी वेळ आहे.

  • सप्टेंबरमधील एकूण महसूल : ₹२.०३ लाख कोटी

  • सप्टेंबरमधील निव्वळ महसूल: ₹१.७६ लाख कोटी

  • चालू आर्थिक वर्षाचा पहिला टप्पा (एप्रिल ते सप्टेंबर) : एकूण संकलन ₹१२.४६ लाख कोटींहून अधिक (११.६% वाढ)

जागतिक दबावाखूपही देशांतर्गत मागणी उत्तम कामगिरी करत असल्याचे १५ टक्क्यांच्या जवळपास झालेली वाढ दर्शवते. उत्तर प्रदेश, तेलंगणा, गुजरात आणि कर्नाटकमध्ये प्रत्येकी १६% ते १८% वाढ झाली आहे.
सौरभ अग्रवाल, टॅक्स पार्टनर, ईवाय इंडिया
सप्टेंबरमध्ये आयात-संबंधित जीएसटीमध्ये झालेली २५.९% ची वाढ चलन, वस्तूंच्या किमती आणि आयातीच्या गतीचे प्रतिबिंब आहे. रुपयाच्या घसरणीमुळे डॉलर-मूलगामी आयातीचे मूल्य वाढले आहे.
मनोज मिश्रा, पार्टनर, टॅक्स कॉन्ट्रोवर्सी मॅनेजमेंट लीडर, ग्रँट थॉर्नटन भारत

Thane : मुंब्रा रेल्वे स्थानकाजवळील दुकानातील मिठाईतून विषबाधा? पाच जणांची प्रकृती बिघडली, एकाचा मृत्यू, FDA कडून तपास सुरू

Diljit Dosanjh Indore Concert : दिलजीतच्या कॉन्सर्टमध्ये चोरट्यांचा धुमाकूळ; गर्दीचा फायदा घेत मोबाईल लंपास, दोघांना अटक

भंडाऱ्यात लालपरीचा अजब कारभार; रात्रीच्या अंधारात दोन विद्यार्थिनींना अर्ध्या रस्त्यात उतरवलं, पालकांचा संताप, चालक-वाहक निलंबित

Raigad Fire : उरणमध्ये केमिकलच्या गोदामाला भीषण आग! मोठ्या स्फोटाने परिसर हादरला; धुराचे लोट हवेत, VIDEO

छठपूजेचा प्रसाद खाल्ल्याने आईचा संताप अनावर; चार वर्षांच्या चिमुरडीला बेदम मारहाण, उपचारादरम्यान मृत्यू