काश्मीर खोऱ्यातील YouTuber फैसल वानी (Faisal Wani) याने प्रेषित मुहम्मद यांच्या विरोधात वादग्रस्त वक्तव्य करणाऱ्या भाजपच्या माजी प्रवक्त्याचा व्हिडिओ पोस्ट केला. या व्हिडिओमध्ये नुपूर शर्मा यांच्या पुतळ्याचा शिरच्छेद करताना दाखवण्यात आले आहे. फैसल वानीचा हा व्हिडिओ पाहताच सोशल मीडियावर व्हायरल झाला. वाढता वाद पाहून फैजलने लोकांची माफी मागितली आणि चॅनलवरून तो व्हिडिओ डिलीटही करण्यात आला. फैजलच्या या व्हिडिओवर कारवाई करत पोलिसांनी त्याला अटक केली.

जम्मू-काश्मीर पोलिसांनी सांगितले की, यूट्यूबरने यूट्यूबवर एक आक्षेपार्ह व्हिडिओ अपलोड केला होता, जो सार्वजनिक शांततेच्या विरोधात आहे. त्याच्या व्हिडिओमुळे सर्वसामान्यांमध्ये भीती आणि चिंता निर्माण झाली आहे. पोलिसांनी सांगितले की, सफा कडल पोलिस ठाण्यात आयपीसीच्या कलम ५०५ आणि ५०६ अंतर्गत एफआयआर नोंदवण्यात आला आहे.

फैजलने शुक्रवारी नुपूर शर्माचा हा आक्षेपार्ह व्हिडिओ पोस्ट केला होता. तो म्हणाला की मी व्हिडिओ बनवला होता पण माझा कोणताही चुकीचा हेतू नव्हता. मी व्हिडिओ डिलीट केला आहे आणि जर कोणाला काही दुखावले असेल तर मी माफी मागतो.