नवी दिल्ली : भाजपचे ज्येष्ठ नेते आणि माजी उपपंतप्रधान लालकृष्ण अडवाणी यांना मंगळवारी येथील अपोलो या खासगी रुग्णालयात दाखल करण्यात आले आहे. त्यांची प्रकृती स्थिर असल्याचे सांगण्यात येत आहे.

लालकृष्ण अडवाणी यांच्यावर डॉ. विनीत सुरी हे उपचार करीत असून नियमित चाचण्या आणि तपासण्या करण्यासाठी त्यांना रुग्णालयात दाखल करण्यात आले आहे. अडवाणी यांना लवकरच म्हणजे बुधवारी रुग्णालयातून घरी पाठविले जाण्याची शक्यता आहे, असे रुग्णालयाच्या वतीने जारी करण्यात आलेल्या एका छोट्या निवेदनामध्ये म्हटले आहे.