नवी दिल्ली : लोकसभेत शुक्रवारी सकाळी विरोधी पक्षांच्या सदस्यांनी विविध प्रश्नांवरून गोंधळ घातल्याने अखेर सभागृहाचे कामकाज सोमवारपर्यंत तहकूब करण्यात आले. राज्यसभेचे कामकाजही सोमवारपर्यंत तहकूब करण्यात आले.

केंद्रीय अर्थसंकल्प १ फेब्रुवारीला मांडण्यात आला, मात्र शुक्रवारी दुसऱ्या दिवशीही त्यावर चर्चा होऊ शकली नाही. पीठासीन अधिकारी के. पी. टेन्नेटी यांनी विरोधी पक्षांच्या सदस्यांना शांत राहण्यास आणि हातातील फलक दूर करण्यास सांगितले. मात्र, सदस्य सभागृहातील मोकळ्या जागेत धावून गेले. त्यानंतर पीठासीन अधिकाऱ्यांनी कामकाज सोमवारपर्यंत तहकूब केले.

राहुल हे मोदींच्या शाळेत गेले तर यशस्वी होतील!

दरम्यान, केंद्रीय मंत्री बिट्टू म्हणाले की, गुरुवारी सर्वांनी लोकसभेतील विरोधी पक्षनेते राहुल गांधी यांना बालक म्हटले. शुक्रवारी पंतप्रधान नरेंद्र मोदी यांची शाळा होती, जर राहुल हे मोदी यांच्या शाळेत गेले तर ते आयुष्यात यशस्वी होतील.