नवी दिल्ली : ट्रान्स एसीएनआर सोल्यूशन्स आणि महाराष्ट्र ऑईल एक्स्ट्रॅक्शन्ससह एकूण नऊ कंपन्यांनी भांडवली बाजारातील नियामक संस्था 'सेबी'कडे आयपीओसाठी प्राथमिक कागदपत्रे दाखल केली आहेत. व्यवसाय विस्तार, कर्जाची परतफेड आणि इतर कॉर्पोरेट गरजांसाठी भांडवल उभारण्याच्या उद्देशाने प्राथमिक बाजारात प्रवेश करणाऱ्या कंपन्यांच्या संख्येत यामुळे भर पडली आहे.
'ट्रान्स एसीएनआर सोल्यूशन्स'ने कॉन्फिडेन्शियल प्री-फायलिंग मार्गाने कागदपत्रे सादर केली आहेत. ही अर्जप्रक्रिया २१ ते २६ सप्टेंबर या कालावधीत पार पडली.
यांचेही आयपीओ
महाराष्ट्र ऑईल एक्स्ट्रॅक्शन्स, जगतजित ॲग्री इंजिनिअरिंग, जय पार्वती फोर्ज, कुलकिंग इंडस्ट्रीज इंडिया, साई इन्फिनिअम, एसजी एन्कॉन, माऊंट एव्हरेस्ट ब्रुअरीज आणि अल्ट्राव्हायब्रंट इंटिग्रेटेड एनर्जी - सेबीकडे नेहमीची सार्वजनिक मसुदा कागदपत्रे दाखल केली आहेत.