PM
राष्ट्रीय

ओएनसी चा तिमाही नफा १४ टक्क्यांनी घसरून ९,५३६ कोटींवर

कंपनीने या तिमाहीत उत्पादन आणि विक्री केलेल्या कच्च्या तेलाची किंमत ६.४ टक्क्यांनी घसरून ८१.५९ अमेरिकन डॉलर्स प्रति बॅरलवर आल्याने नफ्यात घसरण झाली.

Swapnil S

नवी दिल्ली : सरकारी मालकीच्या तेल आणि नैसर्गिक वायू महामंडळाने (ओएनजीसी) रविवारी ३१डिसेंबरला संपलेल्या तिसऱ्या तिमाहीत निव्वळ नफ्यात १४ टक्क्यांनी घट झाल्याचे जाहीर केले. तेल आणि वायूच्या किमती कमी झाल्यामुळे नफा घसरल्याचे सांगण्यात येते.

कंपनीला २०२३-२४ आर्थिक वर्षातील तिसरी तिमाही ऑक्टोबर-डिसेंबर २०२३ मध्ये ९,५३६ कोटी रुपयांचा नफा मिळाला असून मागील आर्थिक वर्षाच्या याच कालावधीतील ११,०४५ कोटींच्या तुलनेत त्यात १३.७ टक्क्यांनी घट झाली, असे कंपनीने एका निवेदनात म्हटले आहे.

कंपनीने या तिमाहीत उत्पादन आणि विक्री केलेल्या कच्च्या तेलाची किंमत ६.४ टक्क्यांनी घसरून ८१.५९ अमेरिकन डॉलर्स प्रति बॅरलवर आल्याने नफ्यात घसरण झाली. गॅसची किंमतही २४.२ टक्क्यांनी कमी होऊन ६.५ डॉलर प्रति एमएमबीटीयू होती.

रिफायनरीजमध्ये पेट्रोल आणि डिझेलसारख्या इंधनात रूपांतरित होणाऱ्या कच्च्या तेलाच्या उत्पादनात घट आणि वीज निर्मिती, खत निर्मिती, सीएनजीमध्ये रूपांतरित आणि स्वयंपाकासाठी पाइपद्वारे वापरल्या जाणाऱ्या नैसर्गिक वायूचे उत्पादनातून नफ्यात घट झाली.

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

मुंबईकरांनो, टॅक्सीचालकांची मनमानी आता थांबणार; पश्चिम रेल्वेच्या 'या' स्थानकांवर सुरू होणार प्रीपेड टॅक्सी सेवा

मोठा अनर्थ टळला! Indigo विमान उड्डाणाच्या तयारीत असतानाच पायलटने धोका ओळखला; इमर्जन्सी ब्रेक दाबला अन् २२९ प्रवासी वाचले

आंध्र प्रदेशात ONGC च्या विहिरीतून मोठी गॅसगळती; १ किमी परिसरातील सर्व नागरिकांना सुरक्षितस्थळी हलवलं, Video

Pune : भररस्त्यात दुचाकीस्वारावर कोयत्याने हल्ला; पिंपरी-चिंचवडमधील धक्कादायक घटना CCTV मध्ये कैद