कानपूर : लोहमार्गावर ठेवण्यात आलेल्या एलपीजी सिलिंडरला धडक दिल्यानंतर भिवानी-प्रयागराज कालिंदी एक्स्प्रेस थांबविण्यात आल्याने सोमवारी भीषण अपघात टळला, असे पोलिसांनी सांगितले. इतकेच नव्हे, तर लोहमार्गावर पेट्रोलची बाटली आणि काडीपेट्याही सापडल्याने हा घातपाताचा प्रयत्न असल्याचे संकेत मिळत आहेत.
सदर एक्स्प्रेस अत्यंत वेगाने जात असताना रविवारी सकाळी ही घटना घडली. या प्रकरणी एफआयआर नोंदविण्यात आला असून घटनेच्या तपासासाठी अनेक पथके स्थापन करण्यात आली आहेत. त्याचप्रमाणे उत्तर प्रदेश दहशतवादविरोधी पथक स्वतंत्रपणे तपास करीत आहे. लोहमार्गावर एलपीजी सिलिंडर ठेवून एक्स्प्रेस रुळावरून घसरविण्याचा डाव होता, असे पोलिसांनी सांगितले.