अलाहाबाद : दुहेरी नागरिकत्वाशी संबंधित प्रकरणात अलाहाबाद हायकोर्टाच्या लखनऊ खंडपीठाने काँग्रेसचे नेते राहुल गांधी यांच्या विरोधात एफआयआर नोंदवण्याचे आदेश दिले आहेत. न्या. सुभाष विद्यार्थी यांनी सुनावणीदरम्यान हे आदेश दिले आहेत.
कोर्टाने म्हटले आहे की, या प्रकरणात तपासानंतर पुढील कायदेशीर कारवाई होईल. राहुल गांधी यांच्यावर दुहेरी नागरिकत्वप्रकरणी आरोप करण्यात आले असून, या मुद्यावरुन हायकोर्टात याचिका दाखल झाली होती. सुनावणीनंतर कोर्टाने एफआयआर नोंदवण्याचे निर्देश दिले आहेत.
अलाहाबाद हायकोर्टाच्या लखनऊ खंडपीठाने आदेश दिला की, राहुल गांधी यांच्यावर दुहेरी नागरिकत्वाचा होत असलेल्या आरोपासंदर्भात चौकशी व्हायला हवी. कोर्टाने उत्तर प्रदेश सरकारला निर्देश दिले की, त्यांनी स्वत: तपास करावा किंवा हे प्रकरण सेंट्रल एजन्सीला सोपवून तपास करावा.