राष्ट्रीय

राहुल गांधी देशाच्या सुरक्षेसाठी धोकादायक - रिजिजू

लोकसभेतील विरोधी पक्षनेते राहुल गांधी भारताच्या सुरक्षेसाठी सर्वात धोकादायक व्यक्ती बनले आहेत, ते भारतविरोधी शक्तींशी संबंधित आहेत.

Swapnil S

नवी दिल्ली : लोकसभेतील विरोधी पक्षनेते राहुल गांधी भारताच्या सुरक्षेसाठी सर्वात धोकादायक व्यक्ती बनले आहेत, ते भारतविरोधी शक्तींशी संबंधित आहेत. ते परदेशात आणि देशात नक्षलवादी, अतिरेकी आणि जॉर्ज सोरोससारख्या लोकांना भेटतात, असा आरोप केंद्रीय मंत्री किरेन रिजिजू यांनी केला आहे.

काँग्रेसचे काम फक्त संसदेत गोंधळ घालणे आहे, काँग्रेस म्हणते की आम्ही त्यांना बोलू देत नाही. पण जसे ते (राहुल) सभागृहात येतात; गोंधळ, बॅनर आणि घोषणाबाजी सुरू होते. समाजवादी पक्षही असेच करतो पण त्यांच्याशी बोलता येते. आम्ही समाजवादी पक्ष, टीएमसी आणि अगदी डीएमकेच्या नेत्यांसोबतही चांगले काम करू शकतो. राहुल गांधींच्या वागणुकीमुळे छोट्या विरोधी पक्षांना आणि खासदारांना बोलण्यासाठी वेळ मिळत नाही. ते त्यांच्या भागातील प्रश्न मांडू शकत नाहीत, असेही रिजिजू म्हणाले.

लोकसभा अध्यक्ष ओम बिर्ला यांच्या विरोधात अविश्वास प्रस्तावावर रिजिजू म्हणाले की, अध्यक्षांचे काम कामकाज चालवणे, सरकारी काम पुढे नेणे आणि विरोधी खासदारांना बोलण्याची संधी देणे हे आहे. ज्या पद्धतीने ते (विरोधी खासदार) अध्यक्षांच्या दालनात घुसले आणि निदर्शने केली. तरीही ओम बिर्ला यांनी संयम आणि नम्रता दाखवली. जर सोमनाथ चटर्जी अध्यक्ष असते, तर कदाचित त्यांनी सर्वांना निलंबित केले असते.

११ फेब्रुवारी रोजी भाजपने दावा केला होता की, प्रियांका गांधी, वेणुगोपाल यांच्यासह काँग्रेसच्या वरिष्ठ नेत्यांनी अध्यक्षांच्या दालनात त्यांच्याशी गैरवर्तन केले. मात्र, नंतर विरोधकांनी लोकसभा अध्यक्ष ओम बिर्ला यांच्या विरोधात अविश्वास प्रस्तावाची नोटीस सादर केली. यावर ११८ खासदारांच्या सह्या आहेत.

सूत्रांनी दिलेल्या माहितीनुसार, ओम बिर्ला आता लोकसभेत जाणार नाहीत. अविश्वास प्रस्ताव फेटाळल्यानंतरच ते अध्यक्षपदाची खुर्ची सांभाळतील. विरोधकांच्या अविश्वास प्रस्तावावर सभागृहात ९ मार्च रोजी चर्चा होण्याची शक्यता आहे. १३ फेब्रुवारी रोजी अर्थसंकल्पीय अधिवेशनाच्या सध्याच्या सत्राचा शेवटचा दिवस होता. त्यानंतर ८ मार्चपासून सभागृहाचे कामकाज पुन्हा सुरू होईल.

प्रत्येक बालकाला २२ नोव्हेंबरला पोलिओचे डोस; मुंबईत रविवारी पल्स पोलिओ मोहीम; २३ ते २७ नोव्हेंबरदरम्यान लसीकरण

Mumbai : तरुणीची छेड काढली, विरोध करताच दोघांना बेदम मारहाण; कुर्ल्यातील व्हायरल VIDEO प्रकरणी ८ अल्पवयीन ताब्यात

एनसीईआरटीतून मराठा साम्राज्याचा नकाशा हटवला; वंशजांची जनहित याचिका दाखल

Mumbai : पेप्सी उद्यानात छत्रपतींचा भव्य अश्वारुढ पुतळा; पालिका सभागृहाची मंजुरी

Mumbai : कामांच्या प्रस्तावांवरून गदारोळ; पारदर्शकतेचा अभाव, कंत्राटदारांना अभय; स्थायी समिती अध्यक्षांच्या पत्राकडे कानाडोळा