मुंबई : रुपया सलग आठव्या सत्रात ४२ पैशांनी मजबूत झाला आणि शुक्रवारी शेअर बाजारातील तेजीमुळे अमेरिकन डॉलरच्या तुलनेत रुपया ११ पैशांनी वाढून ८२.९० वर बंद झाला. कच्च्या तेलाच्या किमतीत वाढ आणि मजबूत अमेरिकन चलनात वाढ झाली झाली तरी देशांतर्गत आर्थिक आकडेवारी जाहीर होण्याच्या चिंतेने रुपयाला आणखी बळ मिळण्यापासून रोखले गेले, असे फॉरेक्स ट्रेडर्सनी सांगितले.
इंटरबँक फॉरेन एक्सचेंज बाजारात देशांतर्गत चलन ८३.०८ इतके कमकुवत उघडले आणि दिवसभरात ते ८२.८६ आणि ८३.१० दरम्यान व्यवहार करत होते. दिवसअखेरीस स्थानिक चलन डॉलरच्या तुलनेत ८२.९० वर बंद झाले. मागील बंदच्या तुलनेत रुपयात ११ पैशांची वाढ नोंदवली. देशांतर्गत चलन गुरुवारी २ पैशांनी वाढून ८३.०१ वर बंद झाले होते. गेल्या आठ व्यवहार सत्रांमध्ये, स्थानिक चलन ४२ पैशांनी मजबूत झाले असून २ जानेवारीला डॉलरच्या तुलनेत ८३.३२ वर बंद झाले होते.