मुंबई : नाताळ म्हणजेच ख्रिसमस हा सण जगभरात उत्साहात साजरा केला जातो. त्याचप्रमाणे भारतातही हा मोठ्या प्रमाणात साजरा केला जातो. या सणांमध्ये दिव्यांची रोषणाई केली जाते तसेच एकमेकांना आदरतापूर्वक गिफ्ट हे दिले जातात. या सणाचे विशेष आकर्षण म्हणजे सांताक्लॉज असते, म्हणूनच पद्मश्री पुरस्कृत सुदर्शन पटनाईक यांनी ओरिसामध्ये पुरी येथिल ब्ल्यू फ्लॅग बीच येथे सुमारे १०० फूट लांब ४० फूट रुंद आणि २० फूट उंचीचा सांताक्लॉज ८ तासांत बनवलेला आहे. त्यामध्ये त्यांनी वाळू बरोबरच दोन टन कांद्याचा सुद्धा वापर केला आहे.
तसेच सांताक्लॉज कडून गिफ्ट म्हणून 'ग्रीन द अर्थ' हा मेसेज सुद्धा जगाला देण्यात आला. या रेकॉर्डची दखल वर्ल्ड रेकॉर्ड बुक ऑफ इंडियाने घेतली आहे म्हणूनच पद्मश्री पुरस्कृत सुदर्शन पटनाईक आणि त्यांच्या टीमला वर्ल्ड रेकॉर्ड्स बुक ऑफ इंडियाच्या चीफ एडिटर सुषमा नार्वेकर आणि वर्ल्ड रेकॉर्ड्स बुक ऑफ इंडियाचे विशेष प्रतिनिधी संजय नार्वेकर यांनी मेडल आणि प्रमाणपत्र देऊन त्यांचा सत्कार केला. वर्ल्ड रेकॉर्ड बुक ऑफ इंडिया प्रतिभावंत अशी वैशिष्ट्यपूर्ण कामगिरी करणाऱ्या व्यक्तींना व्यासपीठ देण्याचे काम अविरतपणे करीत आहे.