पोरबंदर : गुजरातमधील पोरबंदर येथे तटरक्षक दलाचे हेलिकॉप्टर कोसळून झालेल्या भीषण दुर्घटनेत तीन जण ठार झाले.

भारतीय तटरक्षक दलाचे हलके हेलिकॉप्टर ‘ध्रुव’ नियमित सराव उड्डाणानंतर तटरक्षक दलाच्या विमानतळाच्या धावपट्टीवर उतरत असतानाच दुपारी १२.१० वाजण्याच्या सुमारास ही दुर्घटना घडली. अपघातानंतर हेलिकॉप्टरला लागलेली आग अग्निशमन दलाने विझवली. अपघातात हेलिकॉप्टरमधील तीन जण गंभीर भाजले, त्यांना तत्काळ रुग्णालयात दाखल करण्यात आले असता तिघांचाही मृत्यू झाला.

कमांडंट (जेजी) सौरभ, डेप्युटी कमांडंट एस. के. यादव, नाविक मनोज प्रधान अशी मृतांची नावे आहेत. दरम्यान, चार महिन्यांपूर्वी भारतीय तटरक्षक दलाचेच ‘एएलएच एमके-तीन’ हे हेलिकॉप्टर कोसळले होते. त्यावेळीही तीन कर्मचारी मरण पावले होते.