रैना असैनार/नवी मुंबई:

कोकणातून 'कृषी उत्पन्न बाजार समिती'च्या (एपीएमसी) फळ बाजारात हापूस आंब्याची आवक मोठ्या प्रमाणात वाढली आहे. यामुळे आंब्याच्या दरात लक्षणीय घट झाली असून ग्राहकांना मोठा दिलासा मिळाला आहे. अक्षय्य तृतीयेनंतर बाजारात दररोज होणारी आवक ५५ हजार बॉक्सवरून ७० हजार बॉक्सपर्यंत पोहोचली आहे. या वाढत्या पुरवठ्यामुळे घाऊक बाजारातील किमतींवर थेट परिणाम झाल्याचे व्यापाऱ्यांनी सांगितले.

हापूस आंब्याच्या एका पेटीची किंमत २,००० ते ५,००० रुपयांच्या दरम्यान होती. सध्या हे दर १,५०० ते ३,००० रुपयांपर्यंत खाली आले आहेत. साधारणपणे एका पेटीत पाच ते आठ डझन आंबे असतात. त्यानुसार गुणवत्तेनुसार घाऊक बाजारात आंब्याचा दर १९० ते ६०० रुपये डझन झाला आहे. दरातील या घसरणीमुळे घाऊक खरेदीदारांना दिलासा मिळाला उन्हाळ्याच्या हंगामात मागणीतही वाढ झाली आहे. असून फळ बाजाराचे संचालक संजय पानसरे यांनी सांगितले की, घाऊक आणि किरकोळ बाजारात कमी किमतीत उपलब्ध असलेला आंबा हा साधारणपणे खालच्या दर्जाचा आहे. गेल्या वर्षी झालेल्या अवकाळी पावसामुळे यंदा आंब्याचे उत्पादन कमी झाले असल्याचेही त्यांनी नमूद केले. किरकोळ बाजारातही दरातील ही घसरण दिसून येत असून हापूस आंबा सध्या गुणवत्तेनुसार ५०० ते २,००० रुपये डझन दराने विकला जात आहे.