मेलबर्न : ऑस्ट्रेलिया-पाकिस्तान यांच्यातील दुसऱ्या म्हणजेच ‘बॉक्सिंग डे’ कसोटीला मंगळवारपासून मेलबर्न क्रिकेट ग्राऊंड (एमसीजी) येथे प्रारंभ होईल. उभय संघांतील तीन सामन्यांच्या मालिकेत ऑस्ट्रेलियाने पहिली लढत जिंकून १-० अशी आघाडी घेतली आहे.
१९९५पासून पाकिस्तानने ऑस्ट्रेलियाविरुद्ध एकही कसोटी सामना जिंकलेला नाही. गेल्या १५ सामन्यांत त्यांनी पराभव पत्करला असून यावेळी त्यांना खेळाडूंच्या दुखापतींनीही सतावले आहे. अबरार अहमद, खुराम शहझाद व नोमान अली हे खेळाडू जायबंदी असून ऑफस्पिनर साजिद खान आणि यष्टिरक्षक फलंदाज मोहम्मद रिझवान यांना दुसऱ्या कसोटीसाठी १२ खेळाडूंत स्थान लाभले आहे. त्यामुळे सर्फराझ खानला डच्चू देण्यात आला आहे.