नवी दिल्ली : भारताचा राम बाबू २० किलोमीटर चालण्याच्या शर्यतीत पॅरिस ऑलिम्पिकसाठी पात्र ठरला आहे. स्लोव्हाकिया येथे झालेल्या स्पर्धेत राम बाबूने १ तास आणि २० मिनिटांमध्ये २० किलोमीटर हे अंतर पार केले. या शर्यतीत तो तिसऱ्या स्थानावर राहिला. मात्र ऑलिम्पिकच्या पात्रतेसाठी आवश्यक असलेल्या १ तास, २० मिनिटे, १० सेकंद या वेळेपूर्वीच त्याने ही शर्यत पूर्ण केली.

दरम्यान, गुलवीर सिंगने पुरुषांच्या १० हजार मीटर धावण्याच्या शर्यतीत १६ वर्षांपूर्वीचा राष्ट्रीय विक्र मोडीत काढला. कॅलिफोर्नियामध्ये सुरू असलेल्या अन्य स्पर्धेत २५ वर्षीय गुलवीरने २७ मिनिटे, ४१.८१ सेकंद या वेळेत १० हजार मीटर हे अंतर पूर्ण केले. यापूर्वी २००८मध्ये सुरेंद्र सिंगने २८ मिनिटे, ०२.८९ सेकंदांत ही शर्यत पूर्ण केली होती. मात्र गुलवीर या विक्रमानंतरही ऑलिम्पिकसाठी पात्र ठरू शकला नाही. ऑलिम्पिकसाठी त्याला २७ मिनिटांत ही शर्यत पूर्ण करणे गरजेचे होते. मात्र गुलवीरने त्यासाठी ४१ सेकंद अतिरिक्त घेतले.