क्रीडा

IPL 2025- KKR vs SRH : विजयपथावर परतण्यासाठी कोलकाता-हैदराबादमध्ये झुंज

आयपीएलमध्ये गुरुवारी रंगणाऱ्या लढतीत कोलकाता नाइट रायडर्स आणि सनरायजर्स हैदराबाद हे संघ आमनेसामने येतील.

Swapnil S

कोलकाता : आयपीएलमध्ये गुरुवारी रंगणाऱ्या लढतीत कोलकाता नाइट रायडर्स आणि सनरायजर्स हैदराबाद हे संघ आमनेसामने येतील. दोन्ही संघांनी ३ पैकी १ लढत जिंकली असून दोघांनाही गेल्या सामन्यात पराभव पत्करावा लागला आहे. त्यामुळे कोलकाताच्या ईडन गार्डन्सवर होणाऱ्या या लढतीमध्ये विजयपथावर परतण्याचे दोघांपुढे आव्हान असेल.

अजिंक्य रहाणेच्या नेतृत्वात खेळणाऱ्या कोलकाताने बंगळुरूकडून पराभव पत्करल्यानंतर राजस्थानला धूळ चारली. मात्र गेल्या सामन्यात त्यांना मुंबईने पराभूत केले. त्यामुळे तूर्तास हा संघ गुणतालिकेत तळाच्या १०व्या स्थानी आहे. सुनील नरिन आणि आंद्रे रसेल या अनुभवी वेस्ट इंडियन खेळाडूंचे अपयश कोलकाताला महागात पडत आहे. त्याशिवाय वेंकटेश अय्यरनेही लौकिकाला साजेशी कामगिरी केलेली नाही. क्विंटन डीकॉक, अंक्रिश रघुवंशी व फिरकीपटू वरुण चक्रवर्ती यांनीच आतापर्यंत चमक दाखवली आहे.

दुसरीकडे पॅट कमिन्सच्या नेतृत्वात खेळणाऱ्या हैदराबादने हंगामाची सुरुवात धडाक्यात केली होती. राजस्थानविरुद्ध २८६ धावा केल्यानंतर या संघाला गेल्या दोन सामन्यांत २०० धावांचा पल्लाही गाठता आला नाही. लखनऊ व दिल्लीकडून हैदराबादने सलग दोन पराभव पत्करले. ट्रेव्हिस हेड, हेनरिच क्लासेन, अभिषेक शर्मा असे धडाकेबाज फलंदाज हैदराबादकडे आहेत. त्याशिवाय अनिकेत वर्मानेही छाप पाडली आहे. गोलंदाजीत या संघाला मेहनत घेण्याची गरज आहे.

कोलकाताच्या खेळपट्टीवर दव येणे अपेक्षित असून येथे फिरकीपटूंना सहाय्य लाभते. त्यामुळे कोलकाताचे फिरकीपटू आणि हैदराबादचे फलंदाज यांच्यातील द्वंद्व रंगतदार होईल.

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न