क्रीडा

शादलुईला विक्रमी २.२३ कोटींची बोली; गुजरात जायंट्सच्या ताफ्यात दाखल

इराणच्या मोहम्मदरेझा शादलुईने सलग तिसऱ्या वर्षी २ कोटींहून अधिक रक्कम मिळवताना प्रो कबड्डी लीगच्या १२ व्या मोसमासाठी पार पडलेल्या लिलावाचा सर्वोच्च मानकरी ठरण्याचा मान मिळवला. गेल्या मोसमातील मोस्ट व्हॅल्यूएबल प्लेअर हा मान मिळवणाऱ्या शादलुईला गुजरात जायंट्स संघाने २.२३ कोटी रुपयांना खरेदी केले. सलग तिसऱ्या वर्षी हा मान मिळवणारा तो पहिलाच खेळाडू ठरला.

Swapnil S

मुंबई : इराणच्या मोहम्मदरेझा शादलुईने सलग तिसऱ्या वर्षी २ कोटींहून अधिक रक्कम मिळवताना प्रो कबड्डी लीगच्या १२ व्या मोसमासाठी पार पडलेल्या लिलावाचा सर्वोच्च मानकरी ठरण्याचा मान मिळवला. गेल्या मोसमातील मोस्ट व्हॅल्यूएबल प्लेअर हा मान मिळवणाऱ्या शादलुईला गुजरात जायंट्स संघाने २.२३ कोटी रुपयांना खरेदी केले. सलग तिसऱ्या वर्षी हा मान मिळवणारा तो पहिलाच खेळाडू ठरला.

देवांक दलाल हा २ कोटींहून अधिक रक्कम मिळवणारा दुसरा खेळाडू ठरला. गेल्या मोसमात सर्वोत्तम चढाईपटू ठरलेल्या देवांकला बंगाल वॉरियर्स संघाने २.२०५ कोटी रुपयांना खरेदी केले. पीकेएल इतिहासातील तो पाचव्या क्रमांकाचा सर्वात महागडा खेळाडू ठरला.

पीकेएलच्या १२व्या मोसमाच्या लिलावात फायनल बीड मॅच (एफबीएम) हा नियम लक्षवेधी ठरला. या नियमानुसार कोणत्याही संघाला त्यांनी रिलीज केलेला खेळाडू एक किंवा दोन मोसमासाठी त्याच्या अंतिम लिलाव रकमेला पुन्हा खरेदी करता येणार आहे. या नियमाचा वापर करून दबंग दिल्ली के. सी. संघाने आपला स्टार चढाईपटू आशू मलिकला पुढच्या दोन मोसमांसाठी १.९० कोटी रुपयांना पुन्हा खरेदी केले.

‘अ’ गटातील सर्वाधिक किंमत मिळालेल्या अन्य खेळाडूंमध्ये तमिळ थलाइवाज संघाने अर्जुन देशवाल याला १.४०५ कोटी रुपयांना खरेदी केले. तर, बंगळुरू बुल्स संघाने योगेश दहियाला १.१२५ कोटी रुपयांना खरेदी केले.

मोहम्मदरेझा शादलुई - (२.२३ कोटी, गुजरात जायंट्स), देवांक दलाल - (२.२०५ कोटी, बंगाल वॉरियर्स), अर्जुन देशवाल - (१.४०५ कोटी, तमिळ थलाइवाज), योगेश दहिया - (१.१२५ कोटी, बंगळुरू बुल्स), आशू मलिक - (१.९० कोटी, दबंग दिल्ली के. सी), दीपक राजेंदरसिंग - (८६ लाख, पटना पायरेटस), भरत हुडा - (८१लाख, तेलगू टायटन्स), शुभम शिंदे - (८० लाख, तेलगू टायटन्स), पवन सेहरावत - (५९.५ लाख, तमिळ थलाइवाज), विजय मलिक - (५१.५ लाख, तेलगू टायटन्स), फझल अत्राचली - (३० लाख, दबंग दिल्ली के. सी), अंकुश - (३० लाख, बंगळुरू बुल्स)

मंत्रीपद देगा देवा...!

कोकणवासीयांना यंदाही ‘बाप्पा’ पावणार; कोकणात जाणाऱ्यांना टोल माफी

श्रावणात पावसाची १५ दिवस सुट्टी; १५ ऑगस्टनंतरच पावसाची बॅटिंग, भारतीय हवामान विभागाची माहिती

मंत्रिमंडळाचा मोठा निर्णय; कृषी उत्पन्न बाजार समित्यांवर थेट नियंत्रणाचा मार्ग मोकळा

ऑपरेशन सिंदूरबाबत आक्षेपार्ह मजकूर नडला; FIR रद्द करण्यास हायकोर्टाचा नकार