उरण : महावितरण कंपनीकडून करण्यात येणाऱ्या वीजपुरवठ्यातील १८ वीजचोरांकडून ५० हजार वीज युनिटची चोरी करण्यात आली आहे. या प्रकरणी महावितरणच्या उपविभागाने १० लाख ३३ हजारांचा दंड वसूल करण्यात आल्याची माहिती महावितरण कंपनीने दिली आहे. अनेक ठिकाणी वीजचोरीच्या घटनांत वाढ झाली आहे. याचा फटका सर्वसामान्य नियमित वीज देयके भरणाऱ्या ग्राहकांना बसत आहे. त्यामुळे उरणच्या महावितरणच्या उपविभागात वीजचोरी विरोधात धडक कारवाईत उरण शहर, जासई, करंजा, विंधने, जसखार या गावात डिसेंबर महिन्यात १८ वीजचोरांकडून अंदाजे ५० हजार युनिटची वीजचोरी पकडून सुमारे १०.३३ लाख रुपयांचा महसूल वसूल करण्यात आला असल्याची माहिती उरणच्या महावितरण विभागाचे उप कार्यकारी अभियंता विजय सोनावले यांनी दिली आहे.