कल्याण-डोंबिवलीत दर गुरुवारी पाणीपुरवठा बंद 
ठाणे

कल्याण-डोंबिवलीत दर गुरुवारी पाणीपुरवठा बंद

एल-निनोच्या प्रभावामुळे पर्जन्यमानात घट होण्याची शक्यता लक्षात घेऊन जलसाठ्याचे काटकसरीने नियोजन करण्यासाठी कल्याण-डोंबिवली महानगरपालिका क्षेत्रात २४ तासांची पाणी कपात लागू करण्यात येणार आहे.

Swapnil S

कल्याण : एल-निनोच्या प्रभावामुळे पर्जन्यमानात घट होण्याची शक्यता लक्षात घेऊन जलसाठ्याचे काटकसरीने नियोजन करण्यासाठी कल्याण-डोंबिवली महानगरपालिका क्षेत्रात २४ तासांची पाणी कपात लागू करण्यात येणार आहे. गुरुवार, १९ नोव्हेंबर रोजी मध्यरात्री १२ वाजल्यापासून शुक्रवार, २० नोव्हेंबर रोजी मध्यरात्री १२ वाजेपर्यंत शहरातील पाणीपुरवठा पूर्णपणे बंद राहणार आहे. तसेच पुढील सूचना मिळेपर्यंत दर गुरुवारी ही कपात करण्यात येणार आहे.

महाराष्ट्र शासनाच्या जलसंपदा विभागाने एल-निनोच्या संभाव्य प्रभावामुळे राज्यातील जलसाठ्याचे ३१ ऑगस्ट २०२७ पर्यंत काटकसरीने आणि नियोजनबद्ध पद्धतीने व्यवस्थापन करण्याच्या सूचना दिल्या आहेत. त्यानुसार महापालिकेने पाणी कपातीचा निर्णय घेतला आहे.

या कपातीचा परिणाम बारावे, मोहिली, नेतिवली आणि टिटवाळा जलशुद्धीकरण केंद्रांवर अवलंबून असलेल्या कल्याण पूर्व-पश्चिम, कल्याण ग्रामीण, मांडा-टिटवाळा, वडवली, आंबिवली, शहाड, अटाळी तसेच डोंबिवली पूर्व-पश्चिम परिसरातील नागरिकांवर होणार आहे.

विशेष म्हणजे, पाणीपुरवठा बंद असलेल्या दिवशी आणि त्यानंतरच्या दिवशी महापालिकेमार्फत टँकरद्वारेही पाणीपुरवठा केला जाणार नाही. त्यामुळे नागरिकांनी आवश्यक तेवढाच पाणीसाठा करून पाण्याचा काटकसरीने वापर करावा आणि महापालिकेला सहकार्य करावे, असे आवाहन कार्यकारी अभियंत्यांनी केले आहे.

(संबधित इंग्रजी बातमी वाचण्यासाठी येथे क्लिक करा.)

Mumbai: २० ‌विभागांचा निधी दिवाबत्तीसाठी; रस्त्यांवरील दिवाबत्तीची ५४.८० कोटींची थकबाकी, चालू आर्थिक वर्षातील तरतूदही अपुरी

वेतनश्रेणीच्या मागणीसाठी न्यायालयीन कामकाज ठप्प; संपात राज्यातील सुमारे ३४ हजार न्यायालयीन कर्मचारी सहभागी

भटक्या कुत्र्यांवर उपाययोजना करा! न्यायालयाचे मुंबई महापालिकेला आदेश

Thane : 'बाळासाहेब असते, तर त्याच रात्री न्याय मिळाला असता'; कापूरबावडी पोलीस ठाण्याबाहेर बॅनर

ठाणे पोलीस आयुक्तांचे व्हॉट्सॲप खाते हॅक; स्टेट्सवर २० अश्लील चित्रफिती