भाईंंदर : एका अनाथ मुलीला तिच्या मावशाने पालनपोषण करून तिला वाढविले आणि त्याच अल्पवयीन पीडित मुलीवर लैंगिक अत्याचार करत बलात्कार केल्याप्रकरणी काशीगाव पोलीस ठाण्यात बलात्काराचा गुन्हा दाखल करण्यात आला आहे. जुलै २०२१ पासून १ मार्च २०२४ पर्यंत अल्पवयीन पीडित मुलीचा मावसा व आरोपी शंकर नाथ यांनी काशीगाव पोलीस ठाणे हद्दीत त्यांच्या राहते.
घरी अनाथ अल्पवयीन पीडितेवर तिच्या एकटेपणाचा फायदा घेऊन तिच्यावर लैंगिक अत्याचार केल्याप्रकरणी तक्रार दाखल केली होती. त्यानुसार सदरील तक्रार काशीगाव पोलीस ठाण्यात वर्ग होऊन त्यावरून आरोपीविरोधात गुन्हा दाखल करण्यात आला आहे. तर सदरील गुन्ह्याचा तपास काशीगाव पोलीस ठाण्याचे वरिष्ठ पोलीस निरीक्षक राहुलकुमार पाटील यांच्या मार्गदर्शनाखाली सहाय्यक पोलीस निरीक्षक महेश मनोरे हे करत आहेत.