काव्यकट्टा

एकनाथ आव्हाड

आमचा दामू तसा

नाकासमोर चाले

दुसऱ्याच्या बोलण्यात

तोंड मात्र घाले

एकदा तो फिरत फिरत

न्यायालयात आला

चाललेला खटला

त्याने पाहिला

आरोपीला वकील येथे

फाडफाड बोले

साक्षी पुरावे तर

किती वेळ चाले

निकाल काही लागेना

दामू झाला बेजार

कडकडून भूकही

लागली त्याला फार

तेवढ्यात जज बोले

ऑर्डर ऑर्डर

दामू म्हणे मिसळपाव

येऊ द्या हो लवकर

धावतच पोलिस आता

दामूकडे गेले

दामूलाच पिंजऱ्यात

उभे त्यांनी केले

तोंड मध्ये घालण्याचा

मिळाला हो धडा

दामू म्हणे चूक झाली

साहेब मला सोडा

साहित्य अकादमी, बालसाहित्य पुरस्कारप्राप्त लेखक

eknathavhad23@gmail.com