चित्रपट निर्माते आणि करणी सेनेचे अध्यक्ष सुरजित सिंह राठोडला मुंबईतील बांगूर नगर पोलिसांनी अटक केली आहे. सुरजित सिंह राठौरवर एका मॉडेलने विनयभंग आणि मारहाणीचा आरोप केला आहे. मॉडेलने एफआयआर दाखल केल्यानंतर पोलिसांनी करणी सेनेचे अध्यक्ष सुरजित सिंह राठौर यांच्यावर कारवाई केली आहे. सुरजितसिंग राठोड हे करणी सेनेचे अध्यक्ष असल्याने चर्चेला उधाण आले आहे.
पोलिसांनी दिलेल्या माहितीनुसार, मॉडेलने केलेल्या आरोपानंतर याप्रकरणी पुढील तपास सुरू आहे. सुरजित सिंह राठौर सोशल मीडियावर नेहमीच सक्रिय असतो. एवढेच नाही तर अनेकदा माध्यमांसमोर त्यांनी करणी सेनेची बाजू मांडली आहे. सुरजित सिंह राठौर हे नेहमीच आपल्या वक्तव्यांमुळे चर्चेत असतात. मॉडेलने केलेल्या गंभीर आरोपानंतर पोलीस सुरजित सिंग राठोडची चौकशी करत आहेत.
दरम्यान, काही दिवसांपूर्वी सुरजित सिंह राठोड चर्चेत आला होता, जेव्हा अभिनेता सुशांत सिंग राजपूतच्या आत्महत्येनंतर सुरजितने थेट अभिनेत्री रिया चक्रवर्तीवर निशाणा साधला होता.