सुप्रसिद्ध बॉलिवूड अभिनेत्री कतरिना कैफ आणि अभिनेता विकी कौशल यांनी आपल्या चाहत्यांना आनंदाची बातमी दिली आहे. त्यांनी सोशल मीडियावर पोस्ट करत अखेर ते आई-बाबा होणार असल्याच्या चर्चांना दुजोरा दिला आहे. काही महिन्यांपासून कतरिनाच्या प्रेग्नन्सीबाबत चर्चा रंगत होत्या, पण आता त्यांनी स्वतः सोशल मीडियावरून ही बातमी शेअर केली आहे.

फोटो शेअर करत दिली गुडन्यूज

कतरिनाने इन्स्टाग्रामवर ब्लॅक अँड व्हाईट फोटो शेअर केला आहे, ज्यात ती बेबी बंपसह दिसत आहे. फोटोमध्ये विकी तिच्याकडे प्रेमाने पाहत आहे. त्यांनी लिहिले आहे, “On our way to start the best chapter of our lives with hearts full of joy and gratitude.”

विकी आणि कतरिनाच्या या पोस्टवर काही क्षणातच चाहत्यांनी लाईक्स आणि कमेंट्सचा पाऊस पाडला. तसेच अनेक कलाकारांनीही त्यांना शुभेच्छा दिल्या आहेत.

कतरिना आणि विकी यांनी 9 डिसेंबर 2021 रोजी लग्न केले होते. लग्नानंतर चार वर्षांनी आता दोघे आई-बाबा होणार आहेत. प्रेग्नन्सीची माहितीही त्यांनी सुरुवातीला गुप्त ठेवली होती, त्यामुळे कतरिना काही काळ सार्वजनिक कार्यक्रमांमध्ये दिसली नव्हती. एनडीटीव्हीने दिलेल्या माहितीनुसार, कतरिनाची डिलिव्हरी ऑक्टोबरमध्ये होण्याची शक्यता आहे.