न्यूयॉर्क : भारतीय वंशाच्या अंतराळवीर सुनीता विल्यम्स आणि बुच विल्मोर या आंतरराष्ट्रीय अंतराळवीरांना स्थानकावरून पृथ्वीवर परतण्यात वारंवार अडचण येत असल्याने ते गेल्या १२ दिवसांपासून अंतराळात अडकून पडले आहेत.
‘नासा’च्या ‘बोइंग स्टारलाइनर’ अंतराळयानामध्ये तांत्रिक बिघाड झाल्याने त्यांचे परतणे सलग चौथ्यांदा पुढे ढकलण्यात आले आहे. मात्र, दोघांना कोणताही धोका नसल्याचे ‘नासा’ने स्पष्ट केले आहे.
ते ज्या अंतराळयानातून परतणार होते, त्यात हेलियम गळती होत असल्याने ही त्रुटी दूर करण्याचे प्रयत्न सुरू आहेत. या अंतराळयानाची अंतराळात राहण्याची क्षमता ४५ दिवस असून आतापर्यंत १८ दिवस पूर्ण झाले आहेत.