ओटावा : कॅनडात खलिस्तानी समर्थकांची भीड चेपली आहे. खलिस्तानी समर्थक हिंदूंवर आणि मंदिरांवर हल्ले करत आहेत.गेल्या रविवारी कॅनडातील ब्रॅम्प्टन येथील हिंदू मंदिरावर हल्ला केल्याप्रकरणी कॅनडाच्या पोलिसांनी ब्रॅम्प्टन येथील इंद्रजित गोसल याला अटक करण्यात आली. त्याच्यावर शस्त्राने हल्ला केल्याचा आरोप आहे.
पोलिसांनी सांगितले की, इंद्रजित गोसल याला अटक करण्यात आल्यानंतर कोर्टात हजर राहण्याचे निर्देश देण्यात आले आहेत. त्यानंतर काही अटींवर त्याची सुटका करण्यात आली. पुढील तारखेला तो ब्रॅम्प्टनमधील ओंटारियो कोर्ट ऑफ जस्टिसमध्ये हजर होणार आहे. दरम्यान, यापूर्वी हिंदू मंदिरावर हल्ला केल्याप्रकरणी पोलिसांनी तीन आरोपींना अटक केली होती.