PM
आंतरराष्ट्रीय

कुडनकुलम प्रकल्पासंबंधी करारावर स्वाक्षरी

रशियाच्या नेतृत्वासोबत बैठका घेण्यासाठी रशियाच्या पाच दिवसांच्या दौऱ्यावर असलेल्या जयशंकर यांनी येथे ही घोषणा केली

Swapnil S

मॉस्को : भारत आणि रशिया यांनी मंगळवारी तामिळनाडूमधील कुडनकुलम अणुऊर्जा प्रकल्पाच्या भविष्यातील वीज निर्मिती युनिट्सच्या बांधकामाशी संबंधित महत्त्वपूर्ण करारांवर स्वाक्षरी केली, असे परराष्ट्र मंत्री एस जयशंकर यांनी सांगितले.

रशियाच्या नेतृत्वासोबत बैठका घेण्यासाठी रशियाच्या पाच दिवसांच्या दौऱ्यावर असलेल्या जयशंकर यांनी येथे ही घोषणा केली. कुडनकुलम अणुऊर्जा प्रकल्प तामिळनाडूमध्ये रशियाच्या तांत्रिक सहाय्याने बांधला जात आहे. मार्च २००२ मध्ये बांधकामाला सुरुवात झाली. फेब्रुवारी २०१६ पासून कुडनकुलम एनपीपीचे पहिले पॉवर युनिट त्याच्या १००० मेगावॅट क्षमतेवर कार्यरत आहे. रशियन माध्यमांनुसार २०२७ मध्ये प्लांट पूर्ण क्षमतेने कार्य करण्यास सुरवात करेल अशी अपेक्षा आहे.

जयशंकर म्हणाले की, भारत आणि युरेशियन इकॉनॉमिक झोन यांच्यातील मुक्त व्यापार करारावर वैयक्तिक वाटाघाटी सुरू करण्यासाठी त्यांचे वाटाघाटी करणारे संघ जानेवारीच्या अखेरीस भेटतील यावर दोन्ही बाजूंनी सहमती दर्शविली आहे. रशिया आणि भारत यांच्यातील पेमेंट समस्येवर विचारलेल्या प्रश्नाला उत्तर देताना ते म्हणाले की, असामान्य परिस्थितीत आम्ही बँका एकमेकांशी व्यवहार करण्याचे मार्ग शोधण्याचा प्रयत्न करत आहोत.

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

मुंबईकरांनो, टॅक्सीचालकांची मनमानी आता थांबणार; पश्चिम रेल्वेच्या 'या' स्थानकांवर सुरू होणार प्रीपेड टॅक्सी सेवा

मोठा अनर्थ टळला! Indigo विमान उड्डाणाच्या तयारीत असतानाच पायलटने धोका ओळखला; इमर्जन्सी ब्रेक दाबला अन् २२९ प्रवासी वाचले

आंध्र प्रदेशात ONGC च्या विहिरीतून मोठी गॅसगळती; १ किमी परिसरातील सर्व नागरिकांना सुरक्षितस्थळी हलवलं, Video

Pune : भररस्त्यात दुचाकीस्वारावर कोयत्याने हल्ला; पिंपरी-चिंचवडमधील धक्कादायक घटना CCTV मध्ये कैद