वॉशिंग्टन : अमेरिकेचे राष्ट्राध्यक्ष डोनाल्ड ट्रम्प यांनी एकामागोमाग एक टॅरिफ बॉम्ब टाकणे सुरूच ठेवले आहे.
ट्रम्प यांनी अमेरिकेबाहेर तयार होणाऱ्या चित्रपटांवर १०० टक्के टॅरिफ लावण्याची घोषणा केली आहे. भारतासह जगातील अनेक देशांच्या चित्रपट उद्योगासाठी हा मोठा धक्का मानला जात आहे.
ट्रम्प यांनी अमेरिकेबाहेर तयार होणाऱ्या सर्व चित्रपटांवर १०० टक्के टॅरिफ लावण्याची घोषणा केली आहे. सोशल मीडियावरील पोस्टमध्ये त्यांनी म्हटले की, परदेशी कंपन्यांनी अमेरिकन चित्रपट उद्योगाची ‘चोरी’ केली आहे. अगदी एखाद्या मुलाकडून कँडी चोरी केली जाते तशी, असे ते म्हणाले. कॅलिफोर्नियाच्या राज्यपालांना अकार्यक्षम ठरवत ट्रम्प म्हणाले की, चित्रपट चोरीमुळेच हे राज्य सर्वाधिक प्रभावित झाले आहे. समस्या सोडवण्यासाठी परदेशी चित्रपटांवर १०० टक्के टॅरिफ लावण्यात येणार असल्याचे त्यांनी स्पष्ट केले.
हॉलीवूड आणि स्ट्रीमिंग प्लॅटफॉर्मवर परिणाम
ट्रम्प यांनी मे महिन्यात अशा प्रकारच्या टॅरिफचा विचार आधीही व्यक्त केला होता, पण त्यावेळी त्यांनी तपशील सांगितला नव्हता. या घोषणेनंतर मनोरंजन क्षेत्रातील दिग्गज कंपन्यांचे शेअर्स घसरू लागले. नेटफ्लिक्सचे शेअर्स आणि वॉर्नर ब्रदर्स डिस्कव्हरीचे शेअर्स घसरले. हॉलीवूड स्टुडिओज आणि ऑनलाइन स्ट्रीमिंग प्लॅटफॉर्म आता या धोरणाचा परिणाम समजून घेण्याचा प्रयत्न करत आहेत.
विश्लेषकांच्या मते, १०० टक्के टॅरिफमुळे अमेरिकन चित्रपटगृहांमध्ये परदेशी चित्रपटांची किंमत दुप्पट होऊ शकते. यामुळे प्रेक्षकांना जास्त किंमत मोजावी लागू शकते आणि जागतिक वितरण नेटवर्कवर परिणाम होईल. हॉलीवूड निर्माते अमेरिकन बाजारात परदेशी चित्रपटांची विक्री आणि भागीदारीबाबत पुनर्विचार करण्यास भाग पाडू शकतात.
परदेशी चित्रपट निर्माते आणि वितरक या निर्णयामुळे चिंतीत आहेत. अनेक देशांतील उद्योग संघटनांनी याला व्यापारात हस्तक्षेप आणि जागतिक सहकार्यासाठी हानिकारक ठरवले आहे. यामुळे जागतिक चित्रपट उद्योगातील स्पर्धा कमी होऊ शकते आणि अनेक प्रॉडक्शन प्रकल्पांवर परिणाम होईल. हॉलीवूड स्टुडिओज आणि आंतरराष्ट्रीय व्यापार समुदाय या पावलाला विरोध किंवा समर्थन कसे करतात, हे महत्त्वाचे ठरेल. ही धोरणात्मक पाऊल अमेरिकेच्या चित्रपट उद्योगावर आणि जागतिक मनोरंजन बाजारावर दीर्घकालीन परिणाम घडवू शकते.