धावपळीच्या जीवनशैलीत अनेकांना नियमित व्यायामासाठी वेळ काढणं कठीण होतं. सतत बसून काम करणं, वाढलेला ताण आणि कमी हालचाल यामुळे वजन वाढणं, पोट सुटणं किंवा शरीर सतत थकल्यासारखं वाटणं, या समस्या वाढताना दिसतात. अशावेळी तासन्तास जिममध्ये घाम गाळणं प्रत्येकाला शक्य होतंच असं नाही.
मात्र तज्ज्ञांच्या मते, काही सोपे बैठे व्यायाम नियमित केल्यास शरीर सक्रिय ठेवण्यास मदत होऊ शकते. विशेष म्हणजे हे व्यायाम खुर्चीवर, बेडवर किंवा जमिनीवर बसूनही करता येतात.
१. सीटेड लेग लिफ्ट
खुर्चीवर ताठ बसून एकावेळी एक पाय सरळ पुढे उचला आणि काही सेकंद हवेत रोखून ठेवा.
फायदे :
मांड्या मजबूत होण्यास मदत
पोटाच्या खालच्या भागावर परिणाम
रक्ताभिसरण सुधारण्यास उपयोगी
२. सीटेड टॉर्सो ट्विस्ट
खुर्चीवर बसून वरचा भाग उजवीकडे आणि डावीकडे हलक्या गतीने वळवा.
फायदे :
कंबरेभोवतीची चरबी कमी करण्यास मदत
शरीर अधिक लवचिक होतं
पचन सुधारण्यास उपयोगी
३. सीटेड नी लिफ्ट
बसलेल्या स्थितीत एकेक गुडघा छातीकडे आणण्याचा प्रयत्न करा.
फायदे :
कोअर स्नायू सक्रिय होतात
पोटाचा घेर कमी करण्यास मदत
शरीराची हालचाल वाढते
४. सीटेड आर्म सर्कल्स
हात पुढे किंवा बाजूला सरळ करून गोलाकार फिरवा किंवा वर-खाली हलवा.
फायदे :
हातांचा सैलपणा कमी होऊ शकतो
कॅलरी बर्न होण्यास मदत
खांदे आणि हात अॅक्टिव्ह राहतात
५. सीटेड सायकल मूव्हमेंट
पाय हवेत उचलून सायकल चालवल्यासारखी हालचाल करा.
फायदे :
पोट आणि मांड्यांवरील चरबी कमी करण्यास मदत
शरीर अधिक हलकं वाटू शकतं
कमी वेळात चांगली हालचाल होते
रोज किती वेळ कराल?
तज्ज्ञांच्या मते, दररोज १५ ते २० मिनिटं हे व्यायाम सातत्याने केल्यास फरक जाणवू शकतो. त्यासोबत संतुलित आहार आणि पुरेशी झोपही तितकीच महत्त्वाची आहे.
बसल्या जागीही शरीर ठेवू शकता फिट
व्यायामासाठी मोठी जागा किंवा महागडी उपकरणं आवश्यक असतातच असं नाही. योग्य पद्धतीने केलेले बैठे व्यायामही शरीराला अॅक्टिव्ह आणि फ्रेश ठेवण्यासाठी उपयुक्त ठरू शकतात.