पुणे : कॉकरोच जनता पक्षाचे संस्थापक अभिजीत दीपके यांनी शिक्षणमंत्री धर्मेंद्र प्रधान यांच्या राजीनाम्याच्या मागणीसाठी गुरुवार, ११ जून रोजी पुण्यात आंदोलन होणार असल्याची घोषणा केली आहे. दिल्लीतील जंतरमंतर येथील आंदोलनानंतर कॉकरोच जनता पक्षाचे हे दुसरे आंदोलन आहे.

‘कॉकरोच’ पक्षाचे संस्थापक अभिजीत दीपके यांनी एका सोशल मीडिया पोस्टमध्ये म्हटले आहे की, महाराष्ट्राची शैक्षणिक राजधानी असलेल्या पुण्यात कॉकरोच पक्ष शिक्षणमंत्री धर्मेंद्र प्रधान यांच्या राजीनाम्याची मागणी करेल. हे आंदोलन गुरुवारी दुपारी ४ वाजता पुण्यातील सावित्रीबाई फुले विद्यापीठासमोर होणार असल्याचेही सांगण्यात आले.

दरम्यान, दीपके यांनी आपण हे आंदोलन देशभर घेऊन जाणार असल्याचे काल एक्सवरील एका पोस्टवर जाहीर केले होते.