गणेशोत्सव दिवशी पुण्यात एक धक्कादायक घटना घडली आहे. साडी नेसू न दिल्याने एका अल्पवयीन मुलीने आत्महत्या केल्याची धक्कादायक घटना उघडकीस आली आहे. या घटनेमुळे पुण्यात मोठी खळबळ उडाली आहे. देहू रोड परिसरातील शिवाजी विद्यालयात ती इयत्ता सातवीत शिकत होती. तील गणेशोत्सवा दरम्यान, साठी नेसायची होती परंतु तीच्या आईन तीला साडी नेसण्यासाठी नकार दिला होता. या गोष्टीचा राग मनात धरत तीनं आत्महत्या सारखं टोकाचं पाऊल उचललं आहे.

प्राप्त झालेल्या माहितीनुसार, सुष्मिता प्रधान(१३) असं या आत्महत्या करणाऱ्या मुलीचं नाव आहे. तीच्या आईने साडी नेसण्यास मनाई केल्याचा राग मनात धरुन या मुलीने आत्महत्या केली आहे. आईने नकार दिल्याने ती बाथरुममध्ये रडत गेली. काही काळ तीनं स्वत:ला कोंडून घेतलं. काही वेळानंतर तीच्या बहिनीने बाथरुमचा दरवाजा वाजवला. पण काही प्रतिसाद आला नाही. त्यामुळे घरातील सर्व घाबरले. यानंतर बाथरुमचा दरवाजा तोडून घरच्यांनी आत प्रवेश केला. यावेळी मुलगी स्कार्फ बांधून लटकलेल्या आवस्थेत सापडली.

हे पाहून सर्वांनी आक्रोश केला. शेजारच्यांनी पोलीसांत या घटनेची माहिती दिली. यानंतर पोलिसांनी घटनास्थळी धाव घेतली. पोलिसांनी मृतदेह ताब्यात घेऊन आकस्मित मृत्यूची नोंद केली आहे.