बारामती : आजचा दिवस हा माझ्या आयुष्यातील सर्वात महत्त्वाचा दिवस आहे. महायुतीचा अधिकृत उमेदवार या नात्याने मी बारामतीकरांच्या सदिच्छा घ्यायला आलो आहे. तुम्ही मला ७ वेळा निवडून दिलेत, आता आठव्यांदा निवडून मला साथ द्या, असे आवाहन करताना अजित पवार भावूक झाले. टेक्स्टाईल पार्कमधील प्रतिभा पवार यांच्याबाबत घडलेल्या प्रकारावर अजित पवारांनी भाष्य केले. ते म्हणाले, त्यांनी पूर्ण माहिती घेऊन बोलले पाहिजे. त्याचे राजकारण करू नये.

मी मागे एकटा पडलो होतो

लोकसभा निवडणुकीत मी मागे एकटा पडलो होतो, यावेळी माझी आई माझ्यासोबत आहे. माझ्या बहिणी माझ्यासाठी फिरत आहेत. माझ्या पोटच्या पोरांनी तर माझ्यासाठी फिरलेच पाहिजे. माझी बायकोही फिरतेय, तिने तर माझ्यासोबत असलेच पाहिजे. कारण, लोकसभा निवडणुकीत पराभव झाल्यानंतरही त्यांना राज्यसभा दिली, असे अजित पवार म्हणाले.