मुंबई-पुणे खासगी बसला भीषण आग एक्स्प्रेस-वेवर; एसीच्या वायरिंगमध्ये शॉर्टसर्किट, १४ प्रवाशांसह चालक सुखरूप (Photo-X)
महाराष्ट्र

मुंबई-पुणे खासगी बसला भीषण आग एक्स्प्रेस-वेवर; एसीच्या वायरिंगमध्ये शॉर्टसर्किट, १४ प्रवाशांसह चालक सुखरूप

राजस्थानातील उदयपूरहून पुण्याकडे जाणाऱ्या खासगी बसला मुंबई-पुणे एक्स्प्रेस-वेवर गुरुवारी सकाळी भीषण आग लागली.

Swapnil S

पनवेल : राजस्थानातील उदयपूरहून पुण्याकडे जाणाऱ्या खासगी बसला मुंबई-पुणे एक्स्प्रेस-वेवर गुरुवारी सकाळी भीषण आग लागली. सुदैवाने चालकाने प्रसंगावधान राखत बस थांबवून १४ प्रवाशांना वेळीच बाहेर काढल्याने मोठी दुर्घटना टळली. या आगीत संपूर्ण बस जळून खाक झाली. एसीच्या वायरिंगमध्ये झालेल्या शॉर्टसर्किटमुळे आग लागल्याचा प्राथमिक अंदाज आहे.

उदयपूरहून पुण्याकडे जाणारी बस सकाळी सुमारे ७.२५ वाजता रसायनीजवळ आली असताना बसच्या एसीच्या वायरिंगमधून धूर येत असल्याचे चालकाच्या लक्षात आले. त्याने तातडीने बस रस्त्याच्या कडेला थांबवून सर्व १४ प्रवाशांना सुरक्षितपणे बाहेर काढले. त्यानंतर अग्निशमन यंत्राच्या सहाय्याने आग विझविण्याचा प्रयत्न केला; मात्र काही वेळातच आग संपूर्ण बसमध्ये पसरली. सुमारे ४५ मिनिटांच्या प्रयत्नांनंतर आगीवर नियंत्रण मिळविण्यात आले. दरम्यान, बस रस्त्याच्या कडेला उभी असल्याने आणि सकाळची वेळ असल्याने एक्स्प्रेस-वेवरील वाहतुकीवर मोठा परिणाम झाला नाही.

(इंग्रजी बातमी वाचण्यासाठी येथे क्लिक करा.)

Thane : ३२ मीटर शिडीच्या देखभालीवर ५.८५ कोटींचा खर्च; तीन वर्षांच्या दुरुस्तीचा प्रस्ताव, नव्या निविदेपर्यंत सहा महिन्यांची मुदतवाढ

Mumbai : ४० वर्षांपासून एकट्याच राहत होत्या; वृद्धेच्या निधनानंतर शेजाऱ्यांनी केले अंत्यसंस्कार, मुलींना शोधण्यासाठी वृत्तपत्रात जाहिरात

Mumbai : मोनोरेल यंदाही यार्डातच; सुरक्षेबाबत MMRDA सावध

SpiceJet च्या अडचणीत वाढ; विमान रद्द केल्याप्रकरणी DGCA चा दणका, नियमभंगाच्या आरोपांवर नोटीस जारी

Mumbai : औषधांसाठी हवेत १२०० कोटी, मिळतात ३०० कोटी; पालिका रुग्णालयांत औषधांचा तुटवडा, नगरसेवकांनी BMC ला धारेवर धरले