नागपूर : पुणे येथील लोहगाव विमानतळाचे '‘जगद्गुरू संत तुकाराम महाराज आंतरराष्ट्रीय विमानतळ, पुणे’ असे पुनर्नामकरण करण्याचा शासकीय ठराव उपमुख्यमंत्री अजित पवार यांनी गुरुवारी विधानसभेत मांडला आणि त्यास तत्काळ मंजुरीही देण्यात आली. महाराष्ट्र विधानसभा नियम ११० अनुसार लोहगाव विमानतळ, पुणे येथील विमानतळाचे ‘जगद्गुरू संत तुकाराम महाराज आंतरराष्ट्रीय विमानतळ, पुणे’ असे पुनर्नामकरण करण्याची शिफारस केंद्र शासनाला करण्याचा ठराव यावेळी मंजूर करण्यात आला.