मुंबई : मुंबईचे माजी पोलीस आयुक्त संजय पांडे यांनी आज काँग्रेस पक्षात प्रवेश केला. काँग्रेसच्या मुंबई प्रदेश अध्यक्षा खासदार वर्षा गायकवाड यांच्या उपस्थितीत पक्ष कार्यालयात पांडे यांनी काँग्रेसमध्ये प्रवेश केला.

पांडे हे १९८६ च्या बॅचचे आयपीएस अधिकारी होते. महाआघाडी सरकारच्या काळात पांडे हे मुंबईचे पोलीस आयुक्त होते. आपण पक्षात प्रवेश करीत नसून काँग्रेस नावाच्या कुटुंबात प्रवेश करीत आहेत, असे पांडे यावेळी म्हणाले. आपल्याला २००४ सालात काँग्रेसमध्ये जायचे होते परंतु ते जमले नाही. काँग्रेस हा एकमेव पक्ष आहे जो धर्मनिरपेक्ष तत्त्वावर चालतो, असेही पांडे यांनी यावेळी सांगितले.

२०२२ आर्थिक गैरव्यवहाराच्या प्रकरणात सक्तवसुली संचालनालयाने पांडे यांना अटक केली होती. त्यांना नंतर त्यांची जामीनावर सुटका करण्यात आली होती.