अमित हिसमसिंग कुमार 
मुंबई

बाबा सिद्दीकी हत्येप्रकरणी आणखी एक अटकेत; ४ नोव्हेंबरपर्यंत पोलीस कोठडी

राष्ट्रवादीचे नेते बाबा सिद्दीकी यांच्या हत्येप्रकरणी आणखी एका आरोपीला गुन्हे शाखेच्या अधिकाऱ्यांनी अटक केली.

Swapnil S

मुंबई : राष्ट्रवादीचे नेते बाबा सिद्दीकी यांच्या हत्येप्रकरणी आणखी एका आरोपीला गुन्हे शाखेच्या अधिकाऱ्यांनी अटक केली. अमित हिसमसिंग कुमार असे या आरोपीचे नाव असून अटकेनंतर त्याला किल्ला न्यायालयाने ४ नोव्हेंबरपर्यंत पोलीस कोठडी सुनावली. हरियाणातील कैथल येथील रहिवासी अमित या गुन्ह्यात अटक झालेला अकरावा आरोपी आहे.

पोलिसांच्या चौकशीदरम्यान अमितने हत्येच्या कटाची पूर्ण माहिती असल्याचे सांगितले. चौथा आरोपी आणि कथित मास्टरमाइंड झीशान अख्तर याने अमितला कोणीतरी त्याच्या (अमित) खात्यात पैसे पाठवेल आणि त्याने ते पैसे काढून झीशान अख्तरला द्यावे, असे सांगितले होते.

पोलिसांनी यापूर्वी १० आरोपींना वेगवेगळ्या परिसरातून पोलिसांनी अटक केली आहे. ते सर्वजण सध्या पोलीस कोठडीत आहेत. १२ ऑक्टोंबरला वांद्रे येथे सिद्दीकी यांची गोळ्या झाडून हत्या करण्यात आली होती. खंडणीविरोधी पथकाकडे हा तपास येताच पथकाने वेगवेगळ्या परिसरातून १० आरोपींना अटक केली होती. त्यात गुरमेल बलजीत सिंग, धर्मराज राधे कश्यप, प्रविण रामेश्‍वर लोणकर, हरिशकुमार बालकराम निशाद, नितीन गौतम सप्रे, प्रदीप दत्तू ठोंबरे, चेतन दिलीप पारधी, संभाजी किसन पारधी, राम फुलचंद कनोजिया, भगवतसिंग ओमसिंग यांचा समावेश आहे. त्यांच्या चौकशीत त्यांच्या इतर काही सहकार्‍यांची नावे समोर आली होती. त्यात अमीत कुमार याचा समावेश होता.

जलसंधारण, चारा उपलब्धतेवर भर; ३०४ तालुक्यांना दिलासा मिळणार, दुष्काळग्रस्तांसाठी मुख्यमंत्र्यांच्या अध्यक्षतेखाली समिती स्थापन

भाईंंदरमध्ये शेअर रिक्षांची मनमानी भाडेवाढ, प्रवाशांची लूट; १२ रुपयांवरून थेट १५ रुपये भाडे; RTO, पोलीस आणि लोकप्रतिनिधींचे दुर्लक्ष

Mumbai : भाभा रुग्णालयात BMC चे पहिले बीएस्सी नर्सिंग कॉलेज

आरोग्य संस्थांवर AI ची नजर; कोल्हापुरात राज्यातील पहिला आरोग्य प्रकल्प, आरोग्य मंत्र्यांच्या हस्ते आज उद्घाटन

महाराष्ट्र कायम अव्वल राहणार; MIDC चे सीईओ दीपेंद्र कुशवाह यांचे प्रतिपादन; एआय, डेटा सेंटर आणि उत्पादनांच्या क्षेत्रात प्रचंड संधी