चारुल शहा-जोशी/मुंबई : विशेष पोस्को न्यायालयाने अल्पवयीन मुलीवर अत्याचार करणाऱ्या ४७ वर्षीय वॉचमनला २० वर्षांची शिक्षा ठोठावली आहे. जुन २०१८ मध्ये ही घटना घडली होती.

या अत्याचारप्रकरणी वॉचमनला दोषी ठरवताना जास्तीत जास्त शिक्षा ठोठावली आहे. या आरोपीने मुलीवर लैंगिक अत्याचार करतानाच तिला शारीरिक जखमाही केल्या. बलात्कार हा केवळ महिलेविरोधातील गुन्हा नाही. हा संपूर्ण समाजाविरोधातील गुन्हा आहे. बलात्कारामुळे महिलेची मानसिकता बदलून जाते. तिच्या मनावर खोलवर जखमा होतात, असे निरीक्षण न्यायालयाने नोंदवले.