मुंबई : राष्ट्रवादीचे नेते बाबा सिद्दीकी यांच्या हत्येप्रकरणी सुमीत वाघ या आरोपीस अकोला येथून गुन्हे शाखेच्या अधिकाऱ्यांनी अटक केली. त्याला पुढील चौकशीसाठी मुंबईत आणले जात असून त्याला नंतर किल्ला न्यायालयात हजर केले जाणार आहे. या गुन्ह्यातील अटक आरोपींची संख्या आता २६ झाली आहे. बाबा सिद्दीकी यांच्या हत्येनंतर मुंबई पोलिसांनी आतापर्यंत २६ आरोपींना अटक केली असून त्यापैकी तीन आरोपी पोलीस, तर इतर २२ आरोपी न्यायालयीन कोठडीत आहे. याच गुन्ह्यात सुमीत वाघ याचा सहभाग उघडकीस आला होता. त्यामुळे त्याच्या अटकेसाठी मुंबई पोलिसांची एक टीम नागपूरला गेली होती.