मुंबई

वरळी येथील इमारतीत अग्नी भडका

१२.४० वाजण्याच्या सुमारास अग्नी भडका उडाला

नवशक्ती Web Desk

मुंबई : वरळी शिवनेरी मार्ग येथील शिवतेज तळ अधिक सात मजली इमारतीच्या तिसऱ्या मजल्यावरील एका खोलीत शुक्रवारी दुपारी १२.४० वाजण्याच्या सुमारास अग्नी भडका उडाला. या दुर्घटनेत कोणीही जखमी झाले नसून, आगीवर वेळीच नियंत्रण मिळवण्यात आल्याचे मुंबई अग्निशमन दलाचे प्रमुख रवींद्र आंबुलगेकर यांनी सांगितले.

वरळी येथील साई सर्विस, शिवनेरी मार्गावर तळ अधिक सात मजली शिवतेज इमारत आहे. या इमारतीच्या तिसऱ्या मजल्यावरील एका खोलीत शुक्रवारी दुपारी १२.४० वाजण्याच्या सुमारास शार्ट सर्किटमुळे आग लागल्याचा प्राथमिक अंदाज आहे. अग्निशमन दलाला घटनेची माहिती मिळताच घटनास्थळी धाव घेत आगीवर १५ मिनिटांत नियंत्रण मिळवले. दरम्यान, या घटनेत कोणी जखमी झाले नसून, आगीचे नेमके कारण समजू शकलेले नाही. स्थानिक पोलीस व अग्निशमन दलाचे अधिकारी तपास करीत आहेत.

संकटग्रस्त बळीराजाला २,२१५ कोटींची मदत; राज्य मंत्रिमंडळाची मंजुरी

शेती बुडाली, डोळ्यात अश्रू! मराठवाड्यात पावसामुळे हाहाकार; ८ जणांचा मृत्यू; शुक्रवारपासून पुन्हा पावसाचा जोर वाढणार

Mumbai Traffic : मुंबईत ठिकठिकाणी वाहतूककोंडी, नागरिक हैराण

समृद्धी महामार्गावर ५ मेगावॅट सौरऊर्जा निर्मितीस प्रारंभ; देशातील पहिलाच पथदर्शी प्रकल्प

Patra Chawl Scam : प्रवीण राऊत यांच्या अडचणीत वाढ